مصــافحة أولى بـ / آخر آهاتي

[فواز بن عبدالله]

كأول مصافحة لقلوبكم الراقية ..
كأول توقيع حضور بين كوكبة من نجوم الشعر..

سأبدأ بما انتهيت فيه ..

ستكون البداية :


آخر أهاتي

الصـــوتية /


http://almobile.maktoob.com/org/uploads/7d2e35e481.mp3

شخبطة على جداري /


أسولف من قهر بعضي وأنا كلّي غريـب إحسـاس = وأعلّق في نحـر هـاك القصيـدة .. آخـر آهاتـي
أعيش بغربتي دايم .. ولا أشعر في وجـودي نـاس = ولا اسأل قسوة الماضي .. وش اللي بالزمن آتـي ؟
أمرجح بي ألم باقي .. وصـدري يحبـس الأنفـاس = بقايا ثروتـي جرحـي .. وكسرة حِـزْن بشفاتـي
تبوني أفرط السبحة وأسولف عـن قديـم البـاس ؟ = تبوني أفتح جروحي .. و أزيـد النـزف بأبياتـي؟
تبوني ارتشف كاسي .. و يشرب حبري القرطـاس؟ = تبوني أفضح الخافي .. وأكسِّـر حاجـز سكاتـي ؟
تعالوا واسمعوا قلبي .. وصوت الهــم والهوجـاس = تعالوا ولعّوا روحـي .. وشوفـوا نـور مشكاتـي
غريب وخلّد جروحه .. وكـان شعـوره المقيـاس = يموت العالـم بكبـره .. ويبقـى حـي فـي ذاتـي
أنا أسمي .. إيش؟ .. ما أدري ! كأني اذكره : نبراس = نسيته !! من كثر حِمْلي .. ولا أذكر غيـر لوعاتـي
نزف قلبي إلى آخرها .. وغابوا عن وجـودي نـاس = ولا أشعر بالزمن ماضي .. ولا أدري للزمن آتي ؟!!
سوالف من قهر بعضي ..وأنا باقي غريب إحسـاس = أعَلِّقْ في نحـر هـاك القصيـدة ... آخـر آهاتـي
أبخفي باقي الثروة .. جروحـي والثمـن .. ألمـاس = وأوّرث هـالولد كنزي .. قصيـدة مـن معاناتـي


ليس لي منها غاية إلا القليل من الرضا !!

مودكمـ،

فواز بن عبدالله .. [ النبراس ]
،
،

[محمد الضويحي]

فواز : نص وجداني يرسم الكثير من الألم والحزن

سعيد بحرفك ... كل التقدير لمقدمك

[فهد عشيوي]

الله الله يا فواز

الله يعزك , قصيدة جميلة وإلقاء فاخر

موفن سعيد بحضورك

[عبدالله القماصي]

فواز بن عبدالله ../ حضورك لوحدة إضافة...

جميل أحساسك الذي نثرته بقصيدتك الراقية

تقبل تحياتي ..

[نومان سحل]

أنا أسمي .. إيش؟ .. ما أدري ! كأني اذكره : نبراس
...................................نسيته !! من كثر حِمْلي .. ولا أذكر غيـر لوعاتـي


فواز عبدالله

نص جميل يحمل الكثير من الحزن والاسى

البيت اعلاه رغم ما يحمله من حزن الا ان الانا الجميله طغت عليه بشموخ

دمت بخير