قصائد منشورة ، و ذكرى ..

[ذياب العسكر]

هُناْ سَيَتِمّ كِتابَةُ ماتَمّ نَشْرَهُ مِنْ قَصائِدِيّ الشّعْرِيّةُ الْبَسِيْطَةُ ، بِالإضافَةُ إلى الذّكْرَى .. وَلِعُبُوْرُكُمْ الْوِدُّ وَ الْوَرْدُ ..

-
-
نص : أغاني حزن ..

مُجَرّدُ فِكْرَةُ فُراق مُتَوَقّعَة ، تَمّ غِناؤهاْ بِنَشِيْج الْكَلِماتُ ، الإهْداء إلى : ( الْمَعْنِيّةُ بِهاْ ) ، مَعَ الإهْدَاءُ لَكُمْ ..
..

..

.. و صرت أغنّي ..! .مو طرب .. لكن حزين ..

وأنتي أكثر حزن فيني تعرفين ..

يامواويل الصِّباْ .. وناي الغريب ..

يامحطّات(ن) وقف عنهاْ السّبيل ..

منْ غيابك .. إمتلى صدري أنين ..!

وصرت أغنّي ..

رغم صمتي .. وإنطوائي .. والمشيب ..

صرت أغنّي .. واللحن نغمة حنين ..!

..
و .. ( أتَعْلَمِيْن أيّ حُزْنٍٍ يَبْعَثُ الْمَطَر ..

..... وَكَيْف تَنْشُجُ الْمَزارِيْبُ إذا أنْهَمَر ..

..... وَكَيْف يَشْعُرُ الْوَحِيْدُ فِيْهِ بِالضّياع ..

..... كالْحُبّ .. كالأطْفال .. ) *1 *..


..

ومنْ فقدتك .. يبّس الرّيق السّؤال ..

ليه غبتي .. ؟!

ليه غبتي .. ؟!

وين غبتي ..؟!!
/.. وعبرتي رعشة هوادج بالرّحيل ..

ونبرتي نغمة نشاز بلا وتر ..

ذاب صوتي بلا صدى .. ولاتسمعين ..!!

-
-
ماذكرتي ليلة(ن) فيها أمتزجناْ للسّهر ..!

انتشى فينا التّلاقي نكهتين ..!!

و 12 / 7 .. حكاية عاشقين ..

..... جيت وأعماقي محبّه ذابله ..

وإنتظارك غيم شوقك وآبله ..

بنظرة عيونك قبايل .. جيتهاْ زبنة دخيل ..

مانسيتي ..

.. مانسيتي .. وأدري إنّك تذكرين ..

انفردناْ في بعضنا للسّحر ..

ونبضناْ يوقظ مسافات الوصال ..

وآآآآآه كان إنّك نسيتي وش يصير ..

لاجمعتك مقفيّه .. أو تقبلين

بالمكان اللي يمارسناْ خيال ..

أنشق أنفاس البنفسج تستحيل ..

.. لا حكيتي ../ .. ويستحيل التّوت تين ..

والرّضى بك .. منْ رضابك بالوتين ..

فوق صدر العشق .. كنتي تجلسين ..

و منْ غلاتي .. لاوقفت .. توقّفين ..

تقطفين الهمس .. وأشعاري تميل : ..


كثر ماجربت مـنْ حـبّ .. و هيـام
_______كان طيش .. ورغبة(ن) بي تستثيـر
كـان ظنّـي بالوفـا عهـود الكـلام
_______والصّحيح إن الوفا : وصل(ن) ستيـر
كنت أحسب الشّوق : ميعاد الغـرام
_______أو : غياب(ن) يلفـظ اللهفـه زفيـر
منْ عرفتك صرت أعرف أنّه : مقـام
________منْ يطوله يعـرف غـرور الحريـر
ومنْ عطشتك .. إكتشفت إن الغمام :
_______..لا لمس شوق الصّحاري : جاْ غزير
والهديـل اللـي يغنّـيـه الحـمـام
_______.. أحسبه صوت(ن) مجرّد كالهدير ..
.. ماعزفنـي بالطّـرب والإنسجـام
_______لين همسك ميّل إحسـاس العبيـر ..


-
-

ليه وحدك ريف ..؟! ..

وأحلامي نهر ..!!

ليه وحدك نور ..؟!! ..

والباقي فتيل ..!!!

( طفلة الروح ) .. وعطائي .. ياكريمه ..

سولفتني كذبة إبريل اللئيمه ..

.. خوف بحر(ن) ماحضن روح السّفينه ..

وأفترقناْ ..!!!

أفترقناْ .. والأمل أدري ضئيل ..

والوصل : حلم الكرم عند البخيل ..

أفترقناْ .. وصرت أغنّي منْ غيابك ..

صرت أغنّي : ( مو حزن .. لكن حــــــــــزين ) *2*..

وبي سؤال(ن) يبّس أرياق السّنين ..!!

.. ليه غبتي ..؟

ليه غبتي ..؟

ليه غبتــ..

ليه غبــ..

ليه غـ..

ليه ..

ليـ ..

لـ ..

..

..

__________
________
هوامش:
1 _ للشّاعر : بدر شاكر السّياب .
2 _ للشّاعر : مظفّر النّواب .
-
-

مجلّة وضوح 2007

-
-

[ذياب العسكر]

قصيدة :
حزن النّواعير

-
-

المقدّمة :
دَوَرانُ حُزْن فِيْ عَتْمَةِ الْغِيابِ حَيْن تَعْصِفُ رِياحُ الذّكْرَياتُ وَتَطْرُقُ أبْوابُ الْمَساء كُلّ مَساء .. هُناكَ تُغَنّي نَوافِذُ الْلَحْظَةُ مَواوِيْلُ الظّنُوْن وَيَرْقُصُ نايُ الشّوْق ذَبَيْحاً وَيَتَمايَلُ الصّمْتُ طَرَباً ، حِيْنهاْ أكُوْنُ وَحْدِيّ فَقَط سَيّء الْمَوْقِف .. / إِهْداء لِمَنْ أدْفَئَت الْغِياب وَتَرَكَت الْوِصال لِلصّقِيْع : ( طفلة الرّوح ) .. وَالإهْداء لِلْجَمِيْع ..
-
-






حزنـي انخلـق يابنـت حـزن ( النّواعيـر )
__________كلّ مـا أفـرّغ .. رد يغـرف .. و ( أبـدّي )
طيش الصّبا .. قفّى .. وطـش ( المغاتيـر )
__________اصبحـت ذاوي غصـن فـي صيـف نجـدي
لا تشابهيـنـي بـالألـم .. عيّـنـي خـيـر
__________يـا شاعـره .. بـعـض المـواجـع تـعـدّي
أنتـي : مثـل رقـص الهـوا بعـرس نوّيـر
__________وأنـا : مثـل صمـت العـزى لـون خــدّي
أنتـي : مثـل ضحكـة طفـل لاعبـه طـيـر
__________وأنـا : مثـل نـاي .. ومواويـل ( بـردي )
أنتي : سمـا زرقـا .. وشمـس .. وأغاديـر
__________وأنا : وش أحكي ..؟!/ .. حتّى أنا صرت ضدّي
مـا ضمّنـي صـدر السّعـاده وأنـا صّغيـر
__________مـا أظـنّ يحضنّـي وأنــا كـبـر جــدي

~
~

وقبل شهر .. قلت : الزّمـن يمكـن ايديـر
__________يمكن توافـق بـرج سعـدي و ( نـردي )
جيتيني إعجـاب .. وغـرام .. وتباشيـر
__________قلتـي : اعرفـك علـم .. والحلـم : ودّي
من أقصاي أحفظك شاعري لآخـرك غيـر
__________بك مـ أشتبه .. مـا تشبـه إلّا انـت عنـدي
قلت : المدى ترحال .. مو ( حذفة إعصير )
__________غرياف عمـرك عشـرة شطـوط بعـدي
وكذا أعتقـد / قلتـي : انتشيتـك أساريـر
__________ما عادها بكيفي .. من أمـس انـت غـدّي
عنـدك قطـع قلبـي سبـيـل التّفاكـيـر
__________خـذنـي دخـيـل الله لا ابـيـح ســدّي
ورحنـا ( نناغينـا ) ريـاض وعصافيـر
__________ربيـع .. مـ ادري طيـف أخضـر منـدّي
صرتـي بتفاصيلـك مسـامـر غنـاديـر
__________وأنــا لمواعـيـدك أجـيــب .. وأودّي
( هنـاك ) استثيـر بغيرتينـك أعاصيـر
__________ونشرب روافـد رشف/تينـك و( قنـّدي )
و ( هنـا ) أهيـم بسلهمـات المخـاديـر
__________ليل .. وسوالـف خافتـه .. وحـس ورّدي
جبنـا الخيـال ( الشّمعدانـي ) تعابـيـر
__________إليـن قصـدك سيّـل ألــوان جـهـدي

~
~

وفجـأه غيـابـك .. إرتكـبّـي مشـاويـر
__________أربـك حــدود الأرض ميـهـاف حــدّي
غبتي .. وتركتي وسـط قلبـي نواطيـر ..
__________.. غلاك .. والغيره .. وظنّي .. و .. وجّدي
غبتي .. وأغنّي : ( عللاني ) .. و ( مقادير )
__________وأنتـي تغـنّـي : ذوق بالـهـم صــدّي
زرعـت لـك حرفـي .. وحزنـي نواعيـر
__________يامـا غرفـت أعـذار فـرقـاك ضــدّي
شوقي مـن غيابـك .. غـدى نافـخ الكيـر
__________يـا حاملـه مسـك الـغـلا ، بــس ردّي

-
-
مجلّة وضوح

-
-

[ذياب العسكر]

قصيدة :

هيبة الغيم

-
-

مقدمة :

البدو الرُحّل تعلّموا الفلك عنْ طريق الحياة الّتي عاركوها أثناء تِجوالهم بالصّحراء ، وتعلّموا منها الكثير والكثير ، ولديهم معرفة بالطّبيعة ، فهم يقولون : ( إذا زرق سهيل ، لا تامن السّيل ) وسهيل نجم قطبيّ موسميّ يظهر للعيان منْ جهة جنوب الجزيرة العربية في 15 / 8 منْ كلّ سنة ميلاديّة ، ويقولون كذلك إذا أصبحت الرّياح جنوبيّة أو شرقيّة في وقت الموسم ، فإنها ستأتي بالغيوم منْ جهة الشّمال بعمليّة تطارد عكسيّة ، ويسمّى هذا المناخ لديهم ( ملقّح الغيم ) فمنْ هُنا أتتّ هذه القصيدة كإهداء للثّرى ، والإهداء للجميع ..

-
-

ليت الجنوب .. اللي من (إ)عصيـر .. هبـّاب=يِلْقِـح لنـا ( غيـم الشّمـال ) .. ويجيـبـه
ب أمر الولـي .. يسوقـه الرّيـح .. لعـّاب=عجل(ن) .. تصافق .. غيب خيره .. طوي به
وارد زمانيـن(ن) علـى الـيـم .. بغـيـاب=وصدّر من ( المالح ) .. ( قربّـه ) .. عذيبـه
يقبل .. يبنّي مـن ( ثقيلاتـه ) .. ( قبـاب )=كثبـان مــاي(ن) .. تختـلـج بالرّحيـبـه
طوارفه تضفـي .. بـلا اعمـد .. وأطنـاب=تسـمـك مقاديـمـه .. رواخــي خبيـبـه
لـو مايزمّـنّـه عواصـيـف(ن) إصــلاب=كـان يتسـاوى كــلّ شــق .. بشعيـبـه
ردم(ن) .. ترادف .. مِدْلِهِـمّ(ن) .. وصبـّاب=رشق ( البرد ) .. ( حالوب ) تسمـع شخيبـه
صادق .. لعوج .. بضحكة البرق .. سحّـاب=والرّاعـد .. مشاتـم طلـيـب .. وطليـبـه
متقالـب(ن) .. مابيـن : لاحـق .. وجـذّاب=ناعـم يجـي وَبْلـه .. سـواة ( السّبيـبـه )
ناشي .. غشى رشّه .. على سهول .. وهضاب=بالطّايعـات .. مـدخّـن الـجـو .. طيـبـه
سبعة ليالي .. مواصـل الدّيـم .. ( هـدّاب )=بـأوّل شبـاب الوسـم .. سـمّـى صبيـبـه
بينـه وبيـن القـاع .. شرهـات .. وعتـاب=لقيـا حبيـب(ن) .. يختلـي مــع حبيـبـه
نـوّ(ن) .. يـشـرّع للتّهالـيـل : الألـبـاب=يحْيـيّ أمـل مستسـقـي الغـيـث صيـبـه
ينعـش عقـب لفـح اللواهيـب .. خنـيـاب=ريـح الثّـرى .. يعطعـط بنكهـه عجيـبـه
لا جا .. جميع الخلق .. يحسب لـه حسـاب=جـلّ الكّريـم .. اللـي عطـا الغيـم هيبـه -
-

ذياب العسكر
مجلّة وضوح ، العددّ الأوّل 23/3/2005

-
-

[ذياب العسكر]

قصيدة :
هدايا الأنياب ..
-
-
مقدّمة :

المكان بارد ، وزوايا الإنتظار تتّشيطن عبثا في ظنون اليأس .. عصفرة أنظاريّ في طرقات التّرقّب باتتّ مجنونة ، ولن يأتي .. فركنت الصّبر جانباً .. لا مجال له في هذا الصّمت .. وغداً يأتي لأقول له :


***




مـثـل (مـركـوز الفـنـار).. بمـوعـدي=مايملّ .. ولاتعب من ومضته
ماطفى شوق انتظاري .. بموقدي=( أوقظـه).. كلّ ماتغافت غَمضته
( يسمر) الليل.. بعيوني .. ويحدي=ليت تسمع .. لاندهك.. بجضّـته
إنتظار البارحه .. عمره .. مدي=كنّه يداوي بنحولي .. مَرْضَتَه
ينتهي صمت المكان .. وأبتدي=اركن ظنوني .. بزوايا فوضته
اجمع أعذار لغيابك .. يابعدي=ولابقى عذر(ن).. تجمّل فَرضته
يالخوي .. ليل الوعد .. عدّى بلدي=راح .. متهادي ../ حزينه نوضته
ماسواي احد(ن) جلس فيه ../ .. وحدي=وانت..مدري وين..؟.. عينك قضّته
م انت بأوّل من طعن نابه .. يدي=ولا انت بآخر من هداني عضّته
من زمان .. وجرح الاحباب .. يعدي=في حياتي../ .. وخيّب الله ركضته
مادرى انّه شد حيله .. بجهدي=ولادرى انّي للمسافه .. نبضته
ولا(غدى)../ .. مايدري إنّه يقتدي=بخافق(ن).. كثر المحبّه ..شظّته
ينزع وجيه اصدقاي .. ويرتدي=وجه(ن).. اعرف وش نهاية عُرضته
ل عين دربه .. ساقني ( نذر) ../ وفدي=يرشف بهم(ن).. سنيني .. خضّته
وإن سكن .. أسكن عذاب(ن)..جرهدي=مارضى .. الّافوق وجهي .. ( ربضته )
كحّل أهداب الكلام .. من ( أثمدي )=والذّهب حرفي ../ ودمعي فضّته
يالخوي .. تدري شبياضي ..؟! .. واسودي=النّوايا البيض .. قلبي ( وضّته )
يرتكي بصدري.. كريم(ن).. مهتدي=وينهض ..إن غيري توانت نهضته
لي جبين .. من الحيا .. سمح(ن) .. ندي=عاقد لسود الليالي .. قبضـته
عزك الله .. لانتفض ( قِدمي ).. ردي=عارف(ن)..ش اقصى فعايل نفضته
وعارف ( النّشمي ) .. إن تلوّى ( بعمدي )=يبشر بعمر .. المنايا ..(عَرضته )
يالخوي .. لاحد(ن) .. يغرّك .. وتغدي=شوف من غيمه .. ينادم فيضته
بعض غيم(ن) .. وآبله .. زخ بردي=وبعض غيم(ن) .. بس نخايل ومضته

****
****



ذياب العسكر ..

جريدة الأنباء / 22 نوفمبر 2000

-
-

[ذياب العسكر]

نص :

دِقّ العقارب

-
-

المقدّمة :

مجرّد غناء في زاوية الإنتظار لأربعة مواعيد ..

-
-




دقّ العقارب ..
ساعتي ، داخل عيوني .. واقفة .. !!
أو خايفة ، من موعدك .. !!!
ليت الثّواني ، ما تمون .. ما كان هانت ، ساعتي ..
ليت الثّواني ، ما تكون .. ما كان طالت ، سالفة .. !!

..

الموعد الأوّل : جفى ..
فيني أشتعل ، ثمّ أنطفى ..
وشـ حيلتي .. ؟!!
إلّا أنتظر باكر ، يجي يومٍ جديد ..
لـ اجلك ، بـ أبدّل ساعتي ..
باكر :
معازيم ، و ضيوف ..
وألفين وجهٍ ، يحتضن :
لهفة ، و خوف ، وعاطفة ..

....
....
....

دقّت عقارب ساعتي ..
منها ، جفوني ، طارفه ..
بـ زحمة مكان ، (إ)بلا وصوف ..
وين انت .. / في كلّ الحضور .. ؟!
وين الوجوه .. ؟!/ .. وين الكّفوف .. ؟!
مابه احد .. !!// .. منـ هو ابعدك .. ؟!
وإلّآ عيوني ، ضيقه .. ماتحتوي كلّ الزّمان .. ؟!!
..
..
ابـ اختلس حزني ، واشوف ..
بعض الدّقايق ، عــــارفه ..
باكر ، يجي موعد ، جديد ..
باكر : وعــــــــدكْ ، (إ)مصادفه ..
..
..
الموعد الثّاني ..:
رحـل ..
فجأه .. بلا لقيا .. رحل ..

....
....
....

ليت العقارب ، ما تخون .. ما كان تلدغ ، وقفتي ..
ليت العقارب ، للسّكـون .. ما كان سمّتي ، لهفتي ..
..
..
في وجهي الضّايع .. هروب ..
وعدك ، طبعني ، بالـدّروب ..
كلّي ، ملامح : تحترق ..
مثل : الشّموع ، النّازفة .. !!
مرّ الوعد ، مثل الشّتا ..
ليل الثّواني ما يطوف .. !!
..
..
وينك .. ؟!! .. / بقى فيني إنتظار ..
لآخر مواعيدك ، أذوب ..
أبقى أنتظر ، مثل النّشيد ..
باكر تجي ، يا عازفه .. !!
..
..

الموعد الثّالث : حزين .. !!
به ما أجتمعنا ، عاشقين ..

....
....
....

الموعد الرّابع ، أكيد ..
الليلة يا عشق السّنين ..
نعاتب بعضنا يا غلاي ..
نحضن لقانا ، من جديد ..
ليّا ظروفك ، حالفه ..
إن الوعد ، مـ تخالفه ..
ساعة وعدنا : الثّامنة ..
باقي عليها ، خطوتين ..
..
..
الأولى : مرّت آمنة ..
الثّانية : بك ذارفـة ..
.. الليلة :
هذا أنتَ معاي ..
خل الثّواني ، واقفة ..
خل الدّقايق ، تقعدك ..
وقّف عقارب هالمكان ..
انزع مخاوف ساعتي ..
ذقتك يا طعم حكايتي ..

....
....
....
....

تك ..
تك ..
تك ..

....
...
..
.
قفـ ـتك ....

-
-


ذياب العسكر
الواحة..19/9/2005
-
-

[ذياب العسكر]

نص :
مرثيّة الجهراء / قوس الرّبابة ..
-
-

المقدّمة :
إهداء لجهات الجهراء من كلّ الشّمال ..

-
-


الليلة : الليلة .. الذّكرى .. تغنّي ( قوس ) ينزف ( بدو ) ..
الليلة : الليلة .. ( الجهراء ) .. مسافات .. ورحيل .. وشدو ..
الليلة : الذّكرى .. تغنّي على القوس ..
جرّ الرّبابة .. جرّ ياكف الاطياف ..
كلّ الظّلام .. اشعل جروحي فتيلة ..
يرقص طرب .. وأرقص .. عذاب .. ومواويل ..
يضحك .. وأنا الآهات .. في جوفي صلاف
..
..
جرّ الرّبابة .. جر بأحساسي هجوس :
للبدو .. للصّحرا..
لــ ( وضح ) الفناجيل ..
إعزف ( مقاطين ) الشّمال .. بصبابة ..
قوس الرّبابة ..
قول :
غن .. وتهيجن ..
" كان خلك منزله بأرض الثّنادي .... وآعشيري حالن الشّطين دونه " * 1 *
..
..

والليلة ..
اصلاً ولاتحسب ..
يطيب ..
أو مايطيب الكرى ..
مادام أنا عشت هالليلة .. حدو
وبأعلى ضلوع الفكر ..
( أرقب ) .. ( مظاهير ) بدوٍ مشملين ..
ظلّيت اغنّي .. برعشة الشّوف .. وآصيح ..
" شفي لبدوٍ منتويٍّ شمالي .... لازاع مظهورٍ تقفاه مظهور " *2*
..
..
يتلون براقٍ .. حدى في سحابه ..
ولانوّخ لــ ( ملح ) السّحايب ..
يحلّون .. في روضٍ أخضر .. فزّ :
( ربلة ) .. و( نوّير ) ..
في ( خايعٍ ) .. غنّى على جاله الطّير ..
..
..
وريح الخزامى .. والنّفل .. بخّر الكون ..
والليل .. يبني ( للشّعَر ) بيت ..
والشّعِر ..
..
..

ياالليلة ..
القلب متروس ..
( دحّي ) .. معاهم .. و ( هُوْسِيْ ) ..
ياالليلة ..
الجرح .. مغروس ..
شدّي بقوس الرّبابة ..
..
..
تنفّسي من هواهم ..
( رمثٍ ) ..
وهيل ..
وعطر شيح
تكحّلي في حلاهم ..
( سدو ) ..
و ( غنادير ) .. و ( إشْداد ) ..
و ( بكار ) .. صفرٍ مواضيح ..
..
..
الليلة ..
احلى الليالي ..
( هرج ) ..
وقصيد ..
و ( فلّة حجاج ) .. ودلال ..
ونجرٍ ..
يجاوب لاعوى الذّيب صوته :..
" ياذيب .. ليش تعوي ؟؟ / حالك مثل حالي ..؟! " *3*
ياذيب ..
( عس ) الجرح ..
و ( اقنب ) على ( الرّوس ) ..
ياذيب .. طيف العشق .. فيني ( ملاويح ) ..
لامن ( كفخ ) .. صوت الشّمال .. بصوابه ..
..
..
ياذيب ..
أنا ..
وأنت ..
والليلة ..
نبي نغنّي سوى ..
شمااااااااااال ../ شمااااااااااال ..
شمال يالجهرا ..
على القوس ..
والليلة ..
الليلة .. الذّكرى .. عزاها .. قوس .. ( ينعى ) .. بــدو .


-
-


هوامش / 1* من تراث الجزيرة العربية
/2*للشاعر المرحوم _ شاهر بن تيمان الظّفيري
/3*من تراث بادية الشام "عبدالله الفاضل"

-
-

الواحة 3/1997

-
-

[ذياب العسكر]

قصيدة :

شرايين الزّمن

-

-

المقدّمة :

إستمعت ذات مساء إلى أُغنية الصّمت في مداراتي النّفسيّة ، فلم أطرب لها ، فذهبت أبحث في زوايا الذّكريات الّتي تراكمت فوقها أتربة العبث الإنساني وبشاعة المصير .. و وجدت في إحدى الزّوايا هذه الذّكرى :

البُعد الأول في مسافات القصيدة ..................... إهــداء لـ وميض الصّمت .. والإهداء للجميع ..



-

-





بـليـل الزّوايـا المظلمـه .. ( عـاري الومـض )=بـاح الخيـال .. لـرغبـة الشـّعـر .. والطّـيـن

عبـث .. يفـضّ ( أفكـار ) .. تستعصـي الـفـضّ=عبـث .. يشرّعهـا علـى .. ( صـدر سكّـيـن )

فيني .. رقى .. لـأفضى مدى .. ب( زحمة الرّفض )=مدى ظلام(ن) .. يرفض بـزحمتي .. ( وين ..؟!!! )

يذوب بـمّـزاج(ن) .. تـنولـد ( غايتـه ) .. خـضّ=من ( غي رحم(ن) ..) .. حامل بـصمّتـه .. سنيـن

غربال(ن) .. أسود .. يهتوي بـعمـري .. الرّكـض=.. لـأرض(ن) .. نفسها .. شهقتـه .. بيـن ضلعيـن

أرض بـخفايـا النـّفـس .. مــا تشـبـه الأرض=تمطر سماها .. دموع .. ( ضحـك الشّياطيـن ) ..!!

تِنبت غضب ( جرح ) .. إلتّوى بعضـه .. ف/بّعـض=مـن ( صِدفتـه ) .. حتـّى .. غصـون الثّلاثـيـن

جرح(ن) .. يمدّ بـهاجسـي .. ( ثـاره ) .. الغـضّ=يليـن عصـف ( الذّنـب ) .. مـا مسّـه الـلّيـن

يكبر .. / .. روى .. من ساقي الأمـس .. وأكتـضّ=شامـخ .. غرسنـي فـي ( تفاصيـل ..بعـديـن )

من أعلـى القصيـد .. يصبّنـي بـخطـوة النّبـض=مـاي(ن) .. تسـرّب فـي .. رمــاد الشّرايـيـن

حزن .. استلذّ الرّوح .. فـي ( شهوتـه ) .. جـضّ=غنّى .. / .. حياتي غنوتـه .. ( غلطـة البيـن )

طيشه على حضوري .. ( قرا ) .. خاطر(ن) .. محض=( مليون صفحه ) .. ( بَسْمل ) سطورها .. ( سيـن )

( طبعه ) على عمري .. كتبهـا الزّمـن .. فـرض=من حيـن صـاغ ( أجسادهـا ) .. لآخـر الحيـن

وقفة ( مكان ) .. و نيـّة(ن) .. صِدقهـا .. بُغـض=خـطـّت ورا وجـهـي .. متـاهـة عـنـاويـن

حتّى الطّمـوح اللـي زمـى .. بـحلمـي .. ونـضّ=استرسـل غيابـه .. عـن الــرّوح .. عامـيـن

مـا عـاد باقـي شـي .. يـا عـاري الـومـض=( هذا أنـا ) .. طيـن(ن) .. جـرح دنيتـه .. طيـن-

-



ذياب العسكر ..



الواحة 4/2005



-

-