أبياتك في جوال موفن .. شارك معنا ( ضع أبياتك هنا )

[فهد عشيوي]

http://www.movn.net/RoBoRTaj/jawwal-movn85246.png (http://www.movn.net/page.php?do=show&action=85246)



بعد تدشين جوال موفن على الرقم ( 85246 ) لمشتركي شركة الإتصالات السعودية قمنا بتفعيل مجموعة من الخدمات مثل ( القصائد الصوتية والأخبار والصور والأبيات ) لتصل لجميع مشتركين الجوال وبناءً على ذلك ومن منطلق إهتمامنا بأعضاء منتدانا الغالي وحرصاً منا على تواجدهم الدائم في جميع قنوات الموقع قررت إدارة الموقع طرح موضوع خاص لأعضاء منتدانا لطرح أجمل أبياتهم لإرسالها للمشتركين , ومن شروط هذه الخدمة هي أن تكون الأبيات لشعراء المنتدى فقط وكذلك نأمل الإلتزام بكتابة من بيت واحد إلى ثلاثة أبيات كحد أقصى علماً بأنه عند إرسال الأبيات سيتم كتابة أسم الشاعر .

فمن يود المشاركة فليطرح أبياته في هذا الموضوع

[فهد عشيوي]

لمن يود المشاركة بإرسال أبياته في جوال موفن , نأمل كتابة الأبيات في هذا الموضوع

[بندر الشاطري]

وين انت ياغايب تشوف الحال من فوق التراب
وين انت ياللي مايفارقني خيالك وانت حي

الحال ضاق به النظر متعكز وهمه شباب
وطيوره تحوم السماء تبغا تعشى الحال ني

ماعاد للصرخه صدى والعين متعبها السراب
يخالط دموعه عرق واكبر طموحه شوف فيْ

[بندر الشاطري]

تضحك بوجهي يالسفر وانت بايق
ماكنك الا يالسفر حكم الاعدام

[نواف التركي]

الدمع ما يستحي لا طقّت براسه
يمر غفله ويسرق مـا تيّسرلـه
ياما خذل من عزيز وغرر بباسه
وياما قلوبٍ ليـا روّح تكسّرلـه

[خالد علي اليامي]

شفت جثّة عذابي بالثرى/ طايحه=في وجود المقابر ماغسلها كريم!
جيت اكفّن جروحي /دمعتي سايحه=من يعزّي شحوبي /في فقيدٍوسيم؟.,

,,وRose7747

[منصور الفهيد]

يامبدل احوال المزاجات من غي
وياميّل غصون السكاكر من العود
تسقط (مثل) تنفى (كما) تندثر(زي)
لاجيت اشبّه فيك اي شي موجود
ودي بك مسمى ومولود بس لي
اما كذا والا عسى منت مولود

[نومان سحل]

من قال لجل العين تكرم مدينه = انتي لعينك يكرم الكون كلّه
ومن قال لك مثل القمر تشبهينه = طاح القمر وانتي رقيتي محلّه

__________________________________________________ ___


راحت وفي نفسي كلام بقوله = واشوف شي بعينها ما بعد قيل

الليل في كبره وعرضه وطوله = مر بثواني يلعن الحظ والليل

__________________________________________________ _________


ارسلت آه لعيوني وارسلت دمعه = ما هو ظروري ابل الخد بدموعي

يكفي بمحجر عيوني تبرق اللمعه = لمعه بسيطه توضح كل موضوعي

ما ترضي الناس مهما تنزف الشمعه = طبعي مكابر وانا ما غير اطبوعي

__________________________________________________ _____


الخاتم اللي في يميني وضعتيه = غالي واغلى من حياتي عليّه
وانا بقدم لك فؤادٍ ملكتيه = ارجو التكرم في قبول الهديه __________________________________________________ _

[فواز بن عبدالله]

مبطي ملينا الليل " حب " وغناوي= وأشياء ما تذكر على مســمع الناس
أحلام حلوة .. شمعتين .. وهــقاوي = و قلوب يملاها الغلا نبض و إحساس
مشتاق / وغيابك على القلب ناوي = هو الشجر يستشعر العطف بالفاس ؟

[نواف التركي]

( نوره ).. تصب ألوان وجهـي .. غرابيـل ..
وتَنْحَت علـى شفاهـي .. حنيـن السّوانـي ..
تشعـل علـى صمتـي بسهرهـا ..تعاليـل ..
لا سُوْلَفَـت .. تسْكِـت عـيـون الثّـوانـي ..


لـ ذياب العسكر

[شموخ المعنقيه]

رجعت لجنون السهر والبلا زاد
..........أبر المغذي ورمت كف أيدي
عشرين مطلع للقصايد ولا فاد
......... مازال دمي ثاير ٍ في وريدي
سرى التلف بااعصاب راسي ياحماد
.......... حماد منهو:صرت اهذي ياسيدي
من قلة الوال آتنخى بما جاد
........... فيه الخيال ووصله لي نشيدي

[ناصر حطاب الدهمشي]

.
.
و الله واجد الأبيات يا فهد :)

بس بحط آخر بيتين كتبتهن ..

انتظرتك .. لين ما صاح الحنين
من غياب ٍ بطْرف العين اشتعـل
قـوَّم الدنيا على باله .. تجيـن
زي طفل ٍ كسَّر العابه .. زعـل

[شموخ المعنقيه]

أليا متى ياخوي واحنا نتحرا
ونحس جوى الروح برد ٍ وحرا
هذا الجسد مسجون والفكر حرا
.............. واصواتنا توصل ولو بيننا ابواب

[نواف التركي]

يـمـوت غـصن وتـذبح سواتك اوراق
الله يـحـلـك مـا بـفعلك شجاعـه
لاصـرت مـسـتسـلم وجيتك على سـاق
اخـيـر من ذبـح الـدخـيـل امـتناعه


لـ حمود العبيوي

[فهد الزغيبي]

لو تحس شوي عن طاغي غلاك
والله إنك مــاتخليني شوي
انت عندي أجمل من أجمل ملاك
لك خفوقي يندهـ بصوت قوي


ـــــــــــــــــ


أوووف منّك يا كثر ماجيت يمّك
خاطري احكي معك احلى الكلام
أوووف منّك ياكثر ماجيت اضمّك
خاطري اغفى على نبضك وانام

ـــــــــــــــــ


مرات أقول إنك بلا قلب وإحساس
ومرات اقول انك من الحس مخلوق
ومرات اشوف إنك مثل باقي الناس
ومرات اقول أنك عن الخلق مفروق


ـــــــــــــــــ


ياليت كل القلوب .. قلوب
وياليت بعض الغلا .. كذبه

ـــــــــــــــــ


البارحة بين السهر والكتابة
لقيت روحي تسألك ليه غايب
وشفت السؤال يذوب وسط الإجابه
حتى القلم من فوق الأوراق ذايب


ـــــــــــــــــ



يارب عفوك وغفرانك
عن كل ذنب اقترفته عمد
يارب عطني من إحسناك
واثني عليك الشكر والحمد


ـــــــــــــــــ


من غيابك (مات) همس الأبتسام
وصار دمعي بكل شي ٍ لي شريك
آهـ ياشين الجفا ..عقب الغراااام
حتى ( حزني) جاء يعزيّني عليك


ـــــــــــــــــ




اسكت وخل الريح تسرح مع الريح
وانا ابسرح فيك وآعيش وأكتبك
خل الحزن لـ أهل الحزن والتباريح
وخلك معي عندي ترى قلب (يعجبك)


ـــــــــــــــــ



بعض الغلا كنّه سحاب ويعدّي
وبعض الغلا راسخ مثل قمّه طويق
لكن غلاك اللي انكشف فيه سدّي
جرعة وناخذها قبل فكّة الريق

[حمود العبيوي]

قل للوجيه اللـي بتقفـي سلامـات

غيرك يغيب ولا تفقّـدت وش فيـه

مرّات أحس الأرض رحبة ومـرّات

أحس لو جنبي بشـر مـا تكفيـه


لـ نواف التركي

[شموخ المعنقيه]

فز الخفوق) بعذب الاشعار ناجاك
.......... تو مااهتنابك لاتشح بحصيلك
يصبح علي الصبح وتشب ذكراك
..........و اسهر أنا كل ليل والليل ليلك
ابيك تفتح للأمل منك شباك
............ يوصلني منّك نور واتبع دليلك

[ذياب العسكر]

فكرة جميلة وخطوة موفّقة ، وحتماً بهاْ فائدة كبيرة للشّاعر/ة .. بارك الله بكم ولكم على هذه الجهود الطيّبة والمباركة بإذن الله تعالى ..

-
-


الموت ، ماهو الموت نزّاع الأرواح
الموت ، لامن غبت عنّي نهارين ..
( ذياب ) ..



-
-

[أحمد بن مرجي]

وساع الدروب .. اللي غدت عوق مجتاحه ღღღ وش احتآل ووساع الدروب أصبحت منفى


غريبـه سطور كتاب الأقـدار ذباحه ღღღ تخط الغرق ممشآي وتبعد المرفـى








..
أحمد بن مرجي
..

[مزون الشوق]

إذا أنت تفضل الذكرى .. خلاص اخترت أنا النسيان ؛؛
بكيفك عش على الذكرى ولكن ..! لاتذكرني



" مزون الشوق "
Rose7747

[عادل الظفيري]

آه ياللي في عــروقي كـــنت أشيلـك = وأنت سممت الحنايـا بلدغ دابك
صبح قلبي من وقــــع في شـر ليلك = عارف إني بأنتهي يوم إبتدابـك
كيف أصورلك شعوري في رحيلك = "كـــن هالدنيا فنت لحظة غيابـــك"

[علي بن جمه اليامي]

القلب لا منه طراله طاري=ماعادسمع اللي يعذله وينهيه
دايم يفكر في دروب المساري=اما يجيب الصيد والا يخليه

[حمود العبيوي]

وش حيلتي ياكود كثرر التزافـير

واعـاقب الـيدين وافـرك بنانه

تعبت افوت للزمن وامتلى الـبير

والصبر مبطي قد قضابي ضمانه

[علي بن جمه اليامي]

ياعذلين القلب خلوه خلوه=القلب مايحتاج منكم نصيحه
لا جا يعذله ناصحٍ قال ياهوه=النصح في جاشي بليد القريحه

[نواف التركي]

هذا ظلالـي وسـووا بـه علـى ماتبـون
يامن عـن ادنـاة فعـل ، اقوالهـم نابـت
مامت يـوم ان صـدري مشـرع للطعـون
ومن ( قردهم ) كل طعنات الصـدر طابـت

لـ عايض الظفيري

[بندر الشاطري]

ياكثر عثرات الزمن في دروبنا
ويامر واقعنا من اللي نمر به

ماادري عيوب الوقت والا عيوبنا
مانقتنع من شي غير نجربه

لا ضامنا الواقع نشق جيوبنا
وطموحنا من كل ضيم نشربه

[حمود محمد غزال]

دام اللسان احصان والعقل سرجي
ما أعطي لغيري مجال يتشفّى

ياصاحبي مايزعل الناس هرجي
لنّي على وضح النقا ماتخفّى

[منصور عزارة]

ماهو ضروري كل ماتبطي اشتاق

بعض الغياب يخلي القلب قاسي

Rose7747

[منصور الفهيد]

الله يبي يعين ياقلبي على كل حال
بس انت اصبر على المكروه والله يعين
الحب كاهل وانا وانت بيدينه جهال
نربى تحت قسوته او نرجي انه يلين
هو بعد هالحب ذنب شفيك يابن الحلال
خل الذنوب تعمر والعمر لابد يزين

[منصور الفهيد]

الحاجه اللي ماتحدك على اقصاك
تبقى ولا حاجه وتبقى سماجه
الموت .. لا احتجت السقيطه ولا اعطاك
لاشمت عنْه ولا حصل منْه حاجه

[مشعل الطلاع]

عرفتك اجمل الدنيا عرفتـك اجمـل الأصـوات
عرفـتـك كلمـتـن حـلـوه يقـولـه دايــم لـسـانـي
عرفـتـك لليتـامـى ام تحميـهـم مـــن الآهـــات
عرفتك طفل شاف امـه بعـد مـا كـان ولهانـي
عرفتك رجعة الوالـد بعـد مـا قالـوا انـه مـات
ترى انتي لحظة معانق ابوي واصغر اخواني

Rose7747

[مازن عبد الجبار]

محاولتي الاولى في الشعر الشعبي ارجو ان تنال استحسانكم ....في يومٍ
في يومٍ من جنت اصطادْ..وسط البَرِيّهْ
صادتني أحلى الحلواتْ..أحلى ظَبيّهْ
راجع للديره وبالعينْ...دمعة خفيّهْ
وكليبي ينادي هالحين ...وينجْ هديّهْ
تنشدني عنّجْ لَصحاب ْ...هذي المِسيّهْ
ياأغلى وحْلى لََحبابْ...وَاجملْ صبيّهْ
رام الدهر الليّ اهداجْ....كلبي جزِيّةْ
لَبجي وتبجي حتى البيدْ...بعدج عليّهْ
فيها كل كتّاب البينْ...كالت خطيّّه
واحلف يم قاضي العشّاك...لَرفَعْ قضيّهْ
صياداً يرجع مصيودْ...هذي منيّه
سوّاها بينا يفلان ....دهر الأذيّهْ
والدنيا جالماي بليلْ..طاح من ايديّهْ

مازن عبد الجبار ابراهيم...العراق

[البتال الشريف]

شقّيت جيب الهم وتشوّه الثوب ! ..............
.............. منهو بوسع البال يخيّط لي ثوبي !

[لمحات]

شفني على قل الرجا ، صامله دوم
ماهز عودي لا حكي او نقاده ...

~

وانت تعرفني بنت شيخ ٍ ومن قوم
لاتمتهن بعدك ولا يصيـر عـاده





لمحات

[سعد كامل الفهمي]

هذي حقائق واقعـي صـوت وانفـاس
أظهرتهـا مـن بعـد كانـت دفيـنـه

وأسمعتها حـيٍ علـى كـل الأجنـاس
مـوت القهـر مـن لا تُجمّـل يمينـه

ياللي حضوره فيه ميزه عـن النـاس
مدينـةٍ تسـعـد وتشـقـى مديـنـه

[شوق الحربي]

لجلك قطفـت الـورد حتى تنـوله
........ ولجلك كحلت العين لين الدمع سال

إنت اول احساس ٍصفتلي حلوله
....... وانت الرفيــق اللي له القلـب ميال

شوق الحربي /