!! .. دمُوعَاً في مآقيها .. !!

[سعد الغامدي]

http://www.banimalk.com/FCKeditor/userimages/KSAMAP.gif



من حَد الأردن بعد أرض الخلافة=لين اليمن وعمان حضر وبوادي
شفتي تفاصيل المُدن والمسافـة=هذي عروقي والخريطة فـؤادي



Rose7747

[سعد الغامدي]

:



.





قل للمليحةِ بالخمارِ الأسـودِ=ماذا فعلتِ بإبن بيت الغُمّدِ ؟!!
لمّا رآكِ وبارقٌ فـي وجهـك=قد راح ينخى جد أبوه الأسعدي

[سعد الغامدي]

http://tn3-2.deviantart.com/fs9/300W/i/2006/033/4/d/love_breakfast_by_negromante.jpg



:sm7:



صباح الجوع .. واللقمة من يمينك طعم ثاني=ولايشبع أبد هالقلب ولاآظنّه يبي يشبع..!!

لذيذة حيييييل ياجوعي .. بَعَد وحدة .. على شاني=بكل غرفة أبي لقمة .. كذا بحسابنا أربع

صحيح الجوع كافر يابعدهم .. وين ودّاني=دخيلك مدّي يمينك .. بقى من لقمتي إصبع ..!!




.

[سعد الغامدي]

http://th20.deviantart.com/fs22/300W/f/2007/348/c/8/c89c85f5747e7f0f.jpg



أبرتشف صُبْحك على شرفة الريـق=وآصيح بإسمك يا ييا يا يـ .. كوبـي
والله لو شرفتْك فـي قمّـة طويـق=لاجيك .. بس إنتي عن الثقل توبـي
وبااااااااااااااكلك وأتذوّقك وألْهَمْ الضيق=بس عاد إنتَـي روقينـا .. وذوبـي





:)

[سعد الغامدي]

خذلك من الجَزْمة عِبَر عَبْرَ الأيّـام=لاتقطع حبال الأمـل فـي حياتـك
كانت مداس وصارت اليوم شي هام=شيٍّ يقارع دون شرهه .. عباتـك


:


.



ياكبرها ياعـم ياعمنـا سـام=وقت إحتفلنا بضعفنا يوم جاتك


رأي شخصي

[سعد الغامدي]

:


.







لاتبلعين الريق .. خافي مـن الريـق=صحيح ريقك .. بس .. ريقك معتّق
خلّيه للـي مانـوى يمّـك يفيـق=قلبه علـى رشفـة غـرام إيتنتّـق




;)

[سعد الغامدي]

:


.






كل ماطال البُعُـد تفقـد غـلاك=والعُمُر يمْشي وأنا بأستودعَـكْ
قطعةٍ من وسْط معلوقي معـاك=غيرها لاشيء .. وأنت الله معَكْ






.

[سعد الغامدي]

http://tn3-2.deviantart.com/fs27/300W/f/2008/113/6/2/bread_of_heart_by_sakuragi2.jpg



مربّايَـةْ .. أبَـتْ إلاّ تـذوق الحـب .. فـي خبـزي=وسكّيـنـي تعاونـهـا وتنـحـر للهوى .. نــاري
غريبة !! .. كيف ؟ .. هذا الحب ماينفع مَعَهْ حرْزي !!=غريبة !! .. كيف أعظم سر ؟ .. يَذاع بوجبة إفطاري!!

[سعد الغامدي]

:


.







أضيع أنا كلّي إلى قالـت أمبييييـه=وآضيع لاعدّت إلى حـد عشريـن
أربع تعش ..وأنا طعش..فرق ياهيه=ياكويت أنا ضيّعت كـل العناويـن



:sm167:

[سعد الغامدي]

:


.



إشربيني حَـرْف وأوعْـدْك أرتويـك=وإرتوينـي حبـر وأوعْـدْك أشربـك
وإكتبينـي طيلـة غيـابـي علـيـك=وإذرفيـنـي .. لاتـعـذّر مَطْلـبـك
بُعْدنا .. لاهو بيـدي ولاهـو بيديـك=مـصْعَبـك ياذالقـدر يامـصْعَـبـك
صدق قدّامي .. ولاأقـدر أجيـك ..!!=صدق قربي .. بس مـقْدَرْ أقْربك ..!؟


Rose7747

[سعد الغامدي]

:


.




شربت خمري من ثناياك وأسهَبْت=وأخفيت حرّي مير مافيه خافي
ياآهتي .. ياسرع في حضنك الوقت =بجد .. كان البرد بالحيل دافي



.

[سعد الغامدي]

الكيبل اللـي بعّـدك ياعيونـي
............ يوم إنقطع جن الشعر وجنوني
قامت تخبّص بالقلـم والدفتـر
.............إلاّ تشوفك لو فقط بـ.. فنوني
ياشينها يـوم البحـر عاندنـا
.............وأصبح عذولٍ دونها ومن دوني
لكن بربّـي واثـقٍ ثـمْ إبْهـا
............إنْها تسافر تشْبكه .. لعيونـي
وآنا بـ.. سافر وإنْتلاقى عنْده
............في وسط غبّه بيّحَت مكنونـي





http://www.adabtoday.net/vb/images/smilies/smile.gif







انقطاع الكيبل البحري يضرب 50% من إنترنت السعودية .

الرياض: الوطن

[سعد الغامدي]

:


.




:: أغلقي عيناك ::

:: إسترخي ::

:: خذي نَفَسٌ عمييييييييق ::

:: إحبسي أنفاسك ::













والله
إن شوقي لكِ
يفوق حاجتك للتنفَس الآن

http://www.adabtoday.net/vb/images/smilies/smile.gif



عندك خبر ..؟!

[سعد الغامدي]

:


.



ودّي أوصلّك إحساسي .. بأنفاسي=قرّب حبيبي وهاك الزفرة إسمعها



.

[سعد الغامدي]

http://www.youtube.com/watch?v=3CZbISh022M&feature=rec-HM-r2



Rose7747

[سعد الغامدي]

قريب .. أقرب من أنفاسك .. وهوجاسك .. وعاداتك = بعيد .. أبعد على الدنيا .. من اللي ميّتٍ فيها
قريب .. أكتبْك بعيوني .. على صفحات دمعاتك = كثير .. أعيش بك حرفي !! .. دموعاً في مآقيها .. !!

[سعد الغامدي]

إخلقيهم بين همّي والظنون=وإذكري الله عليهم بالذكاه
إذبحيهم بعد ماهم يخلقون=وإقبريهم في عبق حمر الشفاه
ورّديني بعدهم حوض المنون=وإكتبي إسمي على ذيك الحصاه
وإدعسي قبري بقوّه لابهون= ماخبرنا ميّتٍ ويقول .. آآآه
مثلك إنتي ماعرف للحب لون=مثل قلبك .. ماعرف معنى الحياه

[سعد الغامدي]

:



.



ياحلاة الشهد من فمّك .. يذوب=كن قرص من العسل فيه إنعصر
ياضيا وقتي .. بعد ذاك الغروب=إلتقيتك بعد ماغاب النظر
كنت أنا في صوب .. وفْؤادي في صوب=لين شفتك ياحبيبي .. وإستقر



.

[سعد الغامدي]

/


\



زايد عُمُر .. مانيب ناقص ولاشي = أخذت من عدل الزمن وإعوجاجة
متى على الله ينتهي العمر ياخَي = وآصير ذكرى أو ولاآصير حاجة


.

[سعد الغامدي]

>< حلم . ط . ج ><

كانت الدنيا مطر
وكانت الساعة تغازل .. تبي تفتن شهر
مدري هو محرّم علي والا هو صفر .. كان متلثم عموماً بالظلام .. !!
كان يستنّى وبرياحه كلام ..
الأكيد إن الشهر .. إبتدى بالحلم هذا

كان عمري وقتها .. شَعَر أسود
أسود من قلوب البشر

وخير
اللهم إجعله خير

وإلاّ ...
طير أبيض ينقّر له صخر .. ولايقوى يطير .. !!





وفجأة ..














.. وفجأة















طار الصخر .. !!

[سعد الغامدي]

ياقطو وينك ..!! مالقيتك على الباب = وين أنت .. جاوب شاعرٍ عن سؤاله
إمّا دعسوك بموترٍ دعسة كلاب = وإلاّ لقيت ببيت غيري .. زبالة



:p

[سعد الغامدي]

عندي أمل .. بنلتقي .. لو بعد حين = والـ .. حين .. هذي .. كم ؟! .. لاتسأليني
يمكن شهر .. يمكن سنة .. يمكن سنين = يمكن فقط أيّام .. يانور عيني
بس الوكاد .. وكاد .. وإنتي تعرفين = حبّك بقلبي ثابتٍ مثل ديني





Rose7747

[سعد الغامدي]

:


.




هات القلم .. وإلاّ صبر .. هات كيبورد ..!!= بــ .. كْتب على شاشة دموعي قصيدة


:cool:

[سعد الغامدي]

/

\

:



قولي أحبّك .. يمكن آصير مِحْلَو = يمكن مَعَ حبّك يزيد الحلا .. بي
إلاّ أكيد .. وناويٍ آكل الجو = قولي أحبّك .. لاتقولين مابي





.

[سعد الغامدي]

:

.



لايق عليك الليل .. ياشمس عمري = عز الله إن الليل .. لايق على الشمس




:rolleyes:

[سعد الغامدي]

:


.



دام إنّك البعد .. والحرمان .. واللوعة=لأجل إيش تاخذ زمام القلب .. وتعلّة !!


.

[سعد الغامدي]

:


.


برغم إنّي قبل لاأنام .. أتحصّن
..... بــ .. قل أعوذ .. وأقرأ آية الكرسي

إلاّ إن طيفك من الوجدان متمكّن
..... مفتون .. بالليل لايهدا .. ولايمسي



.

[سعد الغامدي]

*

:

*

كلّما حَكَت لي
فصلاً من قصصها اليوميّة الممتعة ..

أنْصت لدقات قلبها ف ق ط ..
فتسألني

( معاي ) http://www.almraya.net/vb/images/smilies/rolleyes.gif .. !!

حينها أُدْرِك أنّها
ليسَتْ مع القصة حتى . .
أضُنّها كانت تسترق السَمْع لدقات قلبي .. !!



.

[سعد الغامدي]

:


.


المورفين وأنتِ

كلاكُما لِنَفْسِ الغَرَض .. الفَرْقُ الوحيدُ بينكما



\

/

\



المورفين : خُلاصةُ عُشْبَة .

أنْتِ : خُلاصةُ قَبيلة .



.

[سعد الغامدي]

*

(( ماهذا الأرق .. والصباح الحارق ))

تدور في رأسي كُرَةٌ أرضيّة من الأسئلة ..



/

\

/


لماذا يكتب الجميع بالأقلام الزرقاء !!
وماذا حَلَّ بالسنونوات بعد وفاة نزار قباني ؟!
ولماذا لايشرب الملوك النبيذ الأحمر حفاظاً على هويّة الدماء !!
ومتى سيصبح الدم أح .. أح .. أح م ر !! لنصحح به الأعراق والأخطاء ..

ومتى سيصبح اللون الأبيض .. حمامه !
( والنبيذ الأزرق بكاء)! ,
ومتى ستكبر طفلتي وزوجتي وأُمي (وتكبر النساء !) ..
وهل فعلاً سيموت أبي يوماً ما ..



!
:sm273:

[سعد الغامدي]

:



Sm إسّات

Sms

إلى تشايكوفسكي
هلاّ عَلّمْتّني السباحة في بحيرة البجع ..!!

تقرير : قيد الغرق



Sms

بين جسدك وبين الإلياذة
شبه عضيم ..!!


فكلاهما يحمل دقةً متناهية

تقرير : ياويل حالي :cool:



Sms

إلى سافو ..

البحّار العاشق يقرؤكِ أشواقه العاتية

تقرير : وقد يجمعُ الله الشتيتين ) قلبي و قلبك (



Sms


إلى مارتن كوبر
( مَنْ أحَبَّ إنْساناً .. أكْثَرَ من الإتصالِ بِه .. !! )

تقرير : إن الهاتف المطلوب .... ?? :sm273:


Sms

صباح الـ وين ياعَرَب ..!!

تقرير : 05 والباقي ماتغيّر :rolleyes:


Sms

إلى
زيلاميسي

سأعود يوماً
بثوبي الشتوي ..!!

تقرير : بردان أنا تكفى ..


Sms

إليها :

أسراب الحرف حطّت في مقتلي


تقرير : أيييي :sm273:

[سعد الغامدي]

:


.



ياليتني رشْفة وأجي فوق مَبْسمك = وتدفني شفاتك على جمر حالي
لاتبلعيني حينها .. بأقعد بفَمْك = بأزهد وبأتعبّد لحالي .. لحالي




.

[سعد الغامدي]

:

.




أنا موج القصيد اللي يذّوب كل شي يُذكر = ولاقد مر في حرفي سوا قلبك .. وأحزاني
إذا إنتي لي السكّر .. وأنا عندك بَعَد سكّر = دخيلك يانظر عيني .. من اللي يذوّب الثاني ؟!!



.

[سعد الغامدي]

/

\

:




يامسقي الشريان من فاه .. رشفات = ويامِطعمٍ قلبي من الصدر .. ضمّة
عطني أذونك .. بس مافيه كلْمات = ودّي أعبّر لك بلا أي كلمة
أدمنت ريقك .. والشفاة الغريقات = وأدمنت شَعْرك .. هات شَعْرك بــ .. شمّه






.

[سعد الغامدي]

:


.



القلب ذا .. للبيع كاش = خذه حروف وإسْجَعَه
ياخي خذه جاك بّلاش = وإن حب غيرك رجّعه




.

[سعد الغامدي]

أكتب أنا للورد .. للطير .. للمي = أكتب أنا للصبح .. للشمس .. للفي
أكتب أنا لليل .. للبدر .. لسهيل = أكتب لنسمات الهوى .. مالها زي
أكتب أنا للغيم .. للبرق .. للرعد = أطوي جفاف العمر وآصيح .. أنا حي
أكتب أنا للود .. للحب .. للشوق = أنثر حروف اللول وأنظمْة بيدي
أكتب أنا للأصدقاءْ والصداقة = ماعاش بستان الصداقة بلا .. رَي
وأكتب أنا لكل شي في حياتي = وإن كان تبغى الصدق .. ماأكتب ولاشي ..!!





.

[سعد الغامدي]

إسْتفِز الحرف فيني .. حرّك اللي كان ساكن = القصايد من يديني .. سافرت مثل الأماكن
وش بقالي من سنيني .. نُص مُضلم .. نُص داكن= بس تعالن ياحنيني .. ودّي آسافر معاكن




.

[سعد الغامدي]

:




وإن زوّدوا بالجور وش عاد ياسعود = من زود ماجا صار عندي بلادة



.

[سعد الغامدي]

:



.




على الذكرى يجي حرفي .. يكمّل باقي الصورة = ويطرب داخل ضلوعي سجينٍ تاااااااه من عزفة
دخيلك ..ليه يــ ..عْيوني .. تزيدي شوقي وجورة = وأنا ماشفتها قاصد .. وربّي شفتها صدفة
تذكّرت الليالي الماضية وأحلام مبتورة = وصوتٍ يسرق أوقاتي .. ويرميني على الشُرفة
أحبّك .. كل ماقيلت تصير الروح مأسورة = وأنا من يومها والله .. وأنا أدوّر لها صرفة
أنا وش جابني يمّك يابروازٍ لبلّورة = حرامٍ بعد هالليلة .. ولاأعتّب لهالغرفة




Rose7747

[سعد الغامدي]

:

.


وإلتقينا
من بعد ماكنت ناسي
وإختليت ابها أخيراً

.. في ظلام الوقت , باقي ساعة ع الجنون
كان الشبح غافي ..

في داخلي كم من سؤال ..
عمر من الأسئلة !!

ياترى ..
هالوقت كافي ؟!!


رَغم الظلام
كانت الساعة بياض ..
تشبه لراسي

اللهم لاإعتراض ..
.. اللهم لاإعتراض


/


\


:



بعد النهاية
آآه يانفسي لقيتك !!

قبل النهاية
ماعرفتك مافهمتك .. ماعطيتك !!

ليش جاي الحين يمّك ؟

لأجل المقابر فارغة .. !! ..

لأجل الشوارع فارغة .. !! ..

مابقى في الحي حي ولابقالي أي شي
إلاّ نفسي إلاّ إنتي .. وجيتك
ولأجل هالساعة بياض
مثل راسي

اللهم لاإعتراض .. اللهم لاإعتراض



.

[سعد الغامدي]

صباح الحب .. ياوردة .. غَفَت في داخل فْؤادي = صباحك يالتويج اللي يضم الشوق بأوراقه
صباحك يالكرابل .. يالقلم .. يالميسم الهادي = أنا شفت القمر والشمس وشفت عيون برّاقة




Rose7747



.

[سعد الغامدي]

:


.




وطاح الحزن .. في ليلة شتاء وإنتعشت الأشواق = ولف الكون صمت النار وطاح الحزن .. من عيني
سماءْ تمطر .. بحر يغرق .. وتنهيدة على إرهاق = أمل أمسي .. ألم يمسي .. وأنا والله مافيني
وشبّاكك بَه الذكرى وذنوبي ع الرصيف أوراق = وسيلٍ يكتب آلامي ويرسم باقي سنيني




.

[سعد الغامدي]

:

.




( مساءك ) بس تكفيني .. ولاداعِ لــ ( مساء الخير ) = لأن الخير في وجهك إذا طلّيت متواجد
ولاداعِ لــ ( مساءك ) وأنت ياخلّي صباح مغير = ( صباح الخير ) أو تدري ( صباحك ) تكفي و واجد




Rose7747

[سعد الغامدي]

:


.



ألا ياقلب .. ياخفّاق .. كم في داخلك من ضير = وريدك ماقِدَر يرويك هذا الليل ويساعد
تحمّل هالزمان .. اللي بقالك فالحياة قصير = طبيبك من بعد قربه .. غدا هاليوم متباعد
رَحَلْ وأنهى حياتك وإستحالت عيشتك ياطير = تركّ إتْجر لك ماضي وخذا مستقبلٍ واعد



.

[سعد الغامدي]

:


.



غيابك عاش بضلوعي .. ترعرع معْ مدى الأيّام = أخاف تجين وآفارق غرام غيابك القاسي
كذا حضّي .. بعد ماأْلْقى وجودي بْزحمة الأوهام = تجي فرقا تهز أركان جسمي وأفصخ لباسي
أفارق عشقي الأوّل بعد رحلة مع الأحلام = وأفارق فرقته وأرجع أدوّر ألقط أنفاسي
فراقك .. فرقة فراقك .. وجودك عالم وأقلام = وآنا بين الألم والآه أبعلن حالة إفلاسي




.

[سعد الغامدي]

:


.


أمبيه هذي مو مثل أي أمبيه = أمبيه هذي جابت العيد فيني



:rolleyes:

[سعد الغامدي]

:


.


يعني غيابك مايجي غير هالحين ..؟! = يعني كذا ..من دون تفكير ثاني ..!
يازين تكفى وأنت لي قرّة العين = لاتمتحنّي وسط شهر رمضاني




.

[سعد الغامدي]

:



.



صاحبي .. وإن حدّني بعض الحنين = يم بيت وبحر عشق وقافية
للنِفَس ماهو رجا والله يعين = آتنفّس بالفصاح الحافية



.

[سعد الغامدي]

:


.



ليش أنت ترْضعْها كما ديد أمّك ..!! = بكل شوق وجوع تمتصّها مَص
هذي سيجارة سوء تسري بدمّك = تعكّره وتروح للقلب بالخص
أضرارها .. شف وش تسوّي بفمّك = وإلاّ الرئة ماعاد منها سوى النص





.

[سعد الغامدي]

:


.




قولي لها ياحبّة المِسْك فوحي = وعطّري ليل المحبّين بالمِسْك
قولي لها لايحرق النجم بوحي = ويموت ليلي مايداويه مَلْمَسْك




.

[سعد الغامدي]

:


.





يارحلة الشوق .. مدري رحلة الغربة ..!! = بلشت بين الوداع .. وفرحة اللقيا
لو كان لي قلب فوق القلب وأشعر به = ماكان ( عمري ) تشتت في رجا سقيا
( التايه ) اللي تعب مايلتقي دربه = مافادته في متاهاته ولارقيا
طيره أبا يستقر إلاّ معَ سربه = أحزانك أكثر من الأفراح يادنيا




.

[سعد الغامدي]

.



فصل الربيع إن حَلْ وأوْرَد بَه الخد = لابد ماتلفي بَعَدْه الخماسين



.

[سعد الغامدي]

.




مانسيتك

شفني واقف عند بيتك
شف حروفي
شفْك فيها
كل معنى صار دونك
وإنت أعلى ..

والله إنّك فوووووق عن كل الكلام
شفتك تصحّي الصباح
تطرد أمواج الظلام
وتملا هالدنيا بنورك
وإلتقيتك ..





.

[سعد الغامدي]

:




لاتعذرب الحرف ياشبّاب = بكتاب غيري وبكتابي
حداثة الحرف ماتنعاب = ولا الزمن ذاك ينعابِ
أبوي غنّا على المرقاب = وآنا على شُرفة أحبابي





.

[سعد الغامدي]

:





لاتوادعيني لانويتي تغيبين = غيبي كذا .. طالبك لاتوادعيني
خلّيني أحلم لو بَعَد مدّة تجين = أصل الحلم مخلوق منّي وفيني




.

[سعد الغامدي]

:




الخيل أبجد وهوّز والرسن حبري = وآنا تعوّدت أروّض ع الورق خيلي
وإن مت هات الرسن معاي في قبري = وإن عشت باعيش فارس ماإنهدم حيلي




.

[سعد الغامدي]

:




هذا هو السحر والله بعْلِمَة = لاعَمَل لاشعْوَذة وْلاهو حجاب
لفتةٍ من هالهدب مَعْ سَلْهَمة= حوّلت من فوق هالوادي عقاب
روفي بحال الغلا يامسْلِمَة = ماحلا بعد الضما طش السحاب



.

[سعد الغامدي]

:


ياصباح العيد وجهك .. مدري ياعيد الصباح ِ = الأكيد إتّي مضيّع مدري منهو العيد فيكم


Rose7747

.

[سعد الغامدي]

:


.



البَرْد .. وأنفاس نشوتْك ومتاهاتي = قصّة طوووووووووووووووووو
ووووووووووووووووووووووو=ووووووووووووووووووووووووو
وووووووووووووووووووووووو=وووويلة لفصل الصيف أبحكيها




.

[سعد الغامدي]

:


تطلبني الحب !! ماملّت بعد منّي !! = ماتدري إنّي أنا ملّيت من حالي
ماعاد لي خلق لاأسولف ولاأغنّي = حتى بساتين فكري صارت محالي



.

[سعد الغامدي]

مانيب عاجز لا أصف إلْك بيتين = ولانيب عاجز أكتبك في سطوري
زود الغلا خلاّني آقول بعدين = أخشى كلامٍ مايوصّف شعوري



Rose7747

[سعد الغامدي]

ياحلم ما عيّا .. يعيش = كافر بكل واقع شقي
آمَن بأن العشق عيش = زادٌ .. وماء .. لْمَا بقي
مادام به عرقٍ يشيش = والبعد لا .. مو منطقي
غنّا وحلّق دون ريش = ( تدرين وأدري ..( بنلتقي) )





ياحلم عيّا لا ( يزول )
ياحلم عيّا لا ( يزول )
ياحلم عيّا لا ( يزول )



Rose7747

[سعد الغامدي]

أبسألك .. هي غيبتك فصل الشتاء ! = وإلاّ الشتاء إحساس يعني غيبتك ..!!



.

[سعد الغامدي]

:

.


ياغريبة .. ليه جيتي للغياب .. ؟! = والحقيقة كان في بُعْدك لقاء


.

!

[سعد الغامدي]

:

.


تعالي .. إقربي أكثر .. هنا أطْهَر بَعَدْ منْفاك=هنا يقْبَع وطن خالي .. يجوز لخاليَة مثْلك


!

[سعد الغامدي]

:


.



غيابك زاد نوفَمْبر جُمُودْ وبَرْد .. يابُشْرى= ولابُشْرى .. وذا مَوْقِد شِتَاء , إسْتَاء تَهْمِيشَة .. !!
يِبَاس البَرْد أفْتَرْشَه أنا وأحْلامي الخَضرا= وأتحرّى مطر صوتك يجيب من الدفى طيشَة
تعبت أنْسِج من الذكْرى وطن أدْفَى بَهْ لبُكْرا = تعبت أحضن بقايا مِحْبَرَة .. وأتلحّف الريشة




.

[سعد الغامدي]

:

.


بَرْدَان .. وصَدْرِك صَقيعٍ ذوّبَتْه الشِفَـاة = غَرْقـان ضـامي وأبِجْ اليَم وأرْجي مَزيد
تَعْبان .. مثل الصباح اللي بَدَالي وتـاه = يومٍ نَعَسْتي شَهَق شَمْسَه .. وكان الجَليد


.

[سعد الغامدي]

:

.



بردان روح .. ومن يلبّس روحي = جاكيت عشق .. وكلْمةٍ صوفيّة ..!؟



.

[سعد الغامدي]

:

.


كَمْ من ظَلومٍ يصرّح .. خالص بودّي = وأتْعَب فؤادي .. وعذّبْني تقلاّبه
وين الحبيب الذي ماينقلب ضدّي !؟ = إن مَرْ حالي .. لقيته .. وآتحلاّبَه
وآنا تراني إذا حبّيت .. من جِدّي = ماهو من الزيف حُبّي وآتسلاّبه
أبيّن الحب للمحبوب وآجدّي = وأكتب معاني الهوى بحروف جذّابة



.

[سعد الغامدي]

:

.


لاتنتفض في حنايا الصدر .. ياقلبي = مابالحنايا سَعَة تستَوْعب آلالامك
قلّبْت لرْضاك أسباب الرِضا .. قَلْبي = ماضاق عُمْري بخَفْقاتك ولا لامك
إن كان تبغى الهوى ياقلب .. والحبّي = دوّر جِسَد يستجيب لكامل أحْلامك


.

[سعد الغامدي]

:

.



( تفّاحة نيوتن ) .. غباءك طِحْتي .. = كان إنتظرتي لين جاع .. وشالك !!
كان إنْجِذَب لك عَكْس ماصرّحْتي = لكّن حظ .. وجذع ذاوي هالك
وش فايدة قولي .. عساك إرْتَحْتي ؟!= لاهو كلاك .. ولا رماك لْفالك



.

[سعد الغامدي]

:

.



يَحِنُّ القلبُ ويَزِيدُ إشتياقي = ومضمونُ الغلا مازالَ باقي
فأينَهُمُ رِفَاقِيَ قَدْ تَواروا = ويابؤس الحياة بِلا رِفَاقي



.

[سعد الغامدي]

http://up.arb-up.com/i/00039/5l9qvj1nb5b3.bmp



يارب .. هذاك الرغيف = اللي إسْتوى في يدّها
من حِزن خصْلات الخريف = من فوح يسْكن خَدّها
يصبح كما حَد الرهيف = ينْهيْ الوجع في قَدّها
ينْسَل ع الجوع المُخيف = ويموت قَبْل يهدّها



.

[سعد الغامدي]

:

.



لايازمن .. لاتوجع القلب .. وتْجور = كفاك من عمري جروحٍ .. عميقة
أعطيتني قارب .. ومجداف مكسور = ورميتني للموج بأوّل طريقة
إبْطول عُمري ماهو أيّام وشْهور = والروح في لِجّة همومي غريقة
مامر بي لحظة هَنَا فيك .. وسرور = كنّي لوحدي عِشت بأْرْضٍ سحيقة
لايازِمَن .. في العين لاتَطْفي النور = عساه يبقى في سوادك .. بريقة



.

[سعد الغامدي]

/

\

/



Coffee Shop


:

.

في الركنِ كالعادة
أقبعُ هناك ..

لو سمحتِ .. عصير .. أريدُ عصيراً هذه المرّة

كانت ترمقني بغرابة .. فقد إعتادت على طلبي فنجاناً من القهوة
.. وأخالها تتسائل .. ماذا تغيّر الآن ؟

ومن عينيها
كأنها تعلم ماذا سيحُلُّ بكأس العصير ..!!



بعد إنصرافها لتلبية الطلب .. ذهبتُ لآخذ جريدة كان تاريخها
متأخراً بأيامٍ ثلاث عن اليوم الذي إنتشلتها فيه ..

أخذت الجريدة وعدتُ الى ركني
لأتصفح اللاشيء ..هرباً من أعين الناس ..
لأحلّق مع خيالي لأبعد من حدود طاولتي .. ,

أُقلب صفحات القديم .. واضعاً ساقي فوق أخيه
وأنا أُدرِكُ بأني أتصفح أزمنةً عجّة بالأبخرة السامة
تهالَكَت منها صفحات جريدتي ..

وصل العصير الطازج

وضعتُهُ على الطاولةِ .. بعيداً
عن متناول يدي

وبدأتُ أتصفح ذاكِرَتي





:

الوقت يمضي

:

نصف ساعه

:

ساعه

:

أخيراً
وضعتُ الحساب بجوار
كأس العصير الممتلئ .. و ..


رَ

حَ

لْ

تْ

[سعد الغامدي]

.

http://www.mexat.com/vb/attachment.php?attachmentid=695643&d=1229682182


فيزياء الكون .. ذرّة وإكْترون = إلاّ إنتي .. فيزيائك إمتصاص


:sm273:
.

[سعد الغامدي]

:

http://gallery.johina.net/up/9432/1158267929.jpg




في غيابك ساعتي صارت .. عيون = كيف تغفى .. والعقارب ماتنام !


.

[سعد الغامدي]

:

.


حكّمْت عقلي في غيابك .. وآمنت = إن الغياب إن غاب .. ملْفَاه بُكره
وإن الغياب إن جاك أو رحت له إنت = لابد يهدي لك من الموت سَكْرَه
متشابهه .. نفس الوجع فيك لاهنت = إلاّ إذا لو كان قلبك بــ .. يَكْرَه



.

[سعد الغامدي]

:

.



خالد يقول : إنْ فاقد الشيء ( يعطيه ) = وماقاله إلاّ من عقب .. شاف حالي
لـــ .. نّي فقدت علاج قلبي .. ومشقيه = وعالجت له قلبٍ شكا فِقْد غالي


.

[سعد الغامدي]

:

.



خُلِقْ مابين أصابع يدّي اليمنى ( فراغ ) سنين = جفاف أصفر .. خريفيّ الملامح من بلاويها
تعالي مدّي إيدينك .. وأنا بامد لك ثنتين = تعالي يابعد عمر الشتات بحب .. وإمليها



.

[سعد الغامدي]

:

.



قالت : قصيدك !؟ .. قلت : فيكم ولازلت = أكتب حروفٍ في نظركم .. فريدة
قالت : تبطّل شِعْر لو عَنْك طوّلْت = قلت : البلا هالبُعْد .. زوّد رصيده
مَرّه .. بغيت أكتب قصيدة وبطّلْت = بطّلْت صفحة وإبتديت القصيدة .!
ماهوب أنا اللي لاإبْتَعدْتي تبدّلْت = بُعْد المسافة .. مايبدّل عقيدة




.

[سعد الغامدي]

:

.



تعْبَت سنيني .. من غيابك واْنا اسْألْك = وآنا تَعَبْت ولاسِمَعْت المشورة
واليوم لا .. مانيب مجبور آجاملْك = وإنته تغيب شهور .. وتْمر دورة
ماني علاج وحالتك تصْرفه .. إلْك = تتناولَه ملزوم .. عند الضرورة ..!



.

[سعد الغامدي]

:

.


ياكثر ( عفواً ) و ( لايمكن ) بجوّالك ! = ماودّي إلاّ ترد اليوم لي روحي
أنا لحالي ولاتخفاني أحوالك = إيّاك من لأ .. ولا عقلك بها يوحي



.

[سعد الغامدي]

http://www.q8moltaqa.net/vb/attachment.php?attachmentid=637&stc=1&d=1184388743


مِنْ ( فَيْلَكَا) لاورى ( مِشْرِف) =ومن ( الفحيحيل ) لـ ( الساير )
تتوحّد قلوب وتْرَفْرِف = ويّا العَلَم فالهوى الطاير
يومٍ وبَه بالولا نسْرِف = ( خمسة وعشرين فبراير )



كل عامٍ والكويت وأهلها بألف خير

Rose7747

[سعد الغامدي]

جنون ‎【♥】


لاتعشقيني ..
خيرٌ لي ولكِ ألاَّ تعشقيني
كيف سنعيش !
وكِلانا مجنونٌ .. أخبريني !؟


• • •

[سعد الغامدي]

http://miqat-aldakera.com/wp-content/uploads/healing_of_the_blind_man_jekel1.jpg

وإنّي لأجِدُ ريح قَـ لْبك


.

[سعد الغامدي]

http://kari-shma.tumblr.com/photo/1280/87227846/1/AZN7wsuV4l03qn11la7VEAWi


:: القَلْب المتجمّد الجنوبي ::



عَشِقَتْهُ حَدْ الجُنون ,
رَحَل ,
- ولِتَنْسَاه - إمْتَهَنَتْ عِشْقْ الرِجَال مِن بَعْدِه
وفي كُلِّ قِصّةٍ كانت هي مَنْ يَرْحَل ..!!

هِيَ : ضَحِيّة عَبَث .
هُم : ضَحيّة القَلْبْ المُتَجَمّد الجَنُوبي .





* حقيقة علميّة :
الإحْتِباس الحَرَاري : ظاهِرَة صحيّة

[سعد الغامدي]

:

.




السما تَبْكي على اللي غايبَة = والمطر مابلّل عروق الوصال
جَفْ غصن الحلم بي .. ياذايبَة = في غيابك .. وإنهدم جِسْر المُحال
روفي بحال الغرام وشايبَه = ينتظر مَلْفَاك أو كَلْمَة ( ت ع ا ل )



.

[سعد الغامدي]

:

.


غيابك ماردٍ قَدّم بِضِعْ لَعْنَاتْ لــ .. أْشْواقي = وصار الشوق ( تنهيدة محاتاة .. وعساه إبْخير ! )



.

[سعد الغامدي]

http://www.rt.gov.sa/images/saher/logo.jpg


ياساهر .. الجيب فاضي صار=وبطلْت لاسوق سيّارة
ياسجن لكن بدون أسوار !=ماعاد باغادر الحارة
وإن حدّني الوضع .. رجليّة=أو خذت سيكلك ياجارة !
وأدِجْ بَه فالعزيزيّة=وأقْطَع ولاأْخلّي إْشارة




.

[سعد الغامدي]

:

.



غيبتْك فجأة والمنيّة .. على نوت= والفرق واضح بين مِلْفي ومقْفين
تدرين وش يفْرق غيابك عن الموت ؟! = إنّه يجي فجأة .. وفجأة تغيبين !




.

[سعد الغامدي]

:


.




إسلكي درب الغياب اللي تبين = بَهْ علاج وبَهْ قليلٍ من شتات
أوَّلَهْ دمعة وحزن العالمين = وآخره بسمة حنين .. وذكريات




.

[سعد الغامدي]

:

.


عيدك مبارك .. وأنا عيدي شتات بشتات = وأقول رايق .. وأنا صدري كلَتْه الشبوب
العيد كَلْمَة ومعناها ( خذوه البنات ) = يوم إنهم سافروا معَ أمّهم للجنوب



Rose1

[سعد الغامدي]

ق . ق . ج

كانت السنوات السبع التي قضاها بصحبتها من أجمل سنوات عمره ,
ومنذ عام وكل صباح وهو يطلبها على هاتفها المحمول
ومنذ عام وكل صباح كان يسمع :
( الرقم المطلوب غير موجود بالخدمة ) !!



.

[سعد الغامدي]

ق . ق . ج

إتفقا على أن تكون هذه آخر مكالمة تتم بينهما بعد سنواتٍ من عِشق ..
قالت : أحبك
قال : أحبك .
.

طوط طوط طوط طوط ..


وهي تَرْحَل , سَمِعَ قرْع نعالها !!



.

[سعد الغامدي]

:


2011 - 02 - 06

Rose1

على قيد هواك .. وكم أتمنى أن تكوني على قيد الحياة !

.

[سعد الغامدي]

:

.



هزّي عروق القلب .. يتساقط الصيف ! = وتموت سالفْة الشتاء .. بإحتوائي
أنا الدفا .. لاصار لك هالشتاء ضيف = البرد هذا .. يقتله إرتدائي




.

[سعد الغامدي]

:

.



أخاف هذا الصقيع يجووول في صدري = يبْرد معاه الحنين .. وطيفك الدافي !
البُعْد مُرْعب وأشوفَه مو على خُبْري = كان الوفا يقتله .. واليوم يا كافي
ياغايبَة لو وفيتي وإندِمَل صبري = بيموت هذا البَرَاد بِسكّة أطرافي



.

[سعد الغامدي]

:

.


ياغايبة ياويش أخذتْ من الغياب != إلاّ خيال وطيف يسكن بالهَدَبْ
وشوي حزن , وشوق , وشويّة عذاب= وكثير فِكْر وشعْر وحروف وأدَبْ



.

[سعد الغامدي]

:

.

http://www.mbc66.net/upload/upjpg1/abT54246.jpg



أنا جرّبْت إحساس المقابر من قبل لاموووت = تحت ذاك الرصيف أحْلَم .. وأسْمَع طَرْق أنعلْهم
غفيت وكل همّي لو أموت منين لي تابوت ! = وأنا لي عِزّةٍ تأبى أروح لفوق وأسألْهم




.

[سعد الغامدي]

:

.



عقرب الساعة ينادي .. يامسافة = ذا حنين وذا غياب وذي مشقّة
مانويت آحِن .. لكن ياحسافة = كل عشق و له عذاب وفيه حقّه
وين ماضي ! .. ماضي وبمضي خلافة != ويل قلبي من عذابٍ ( يستحقّه ) !


.

[سعد الغامدي]

:

.


خرير الماء + زقزقة العصافير + فحيح الأشجار + أزيز الضفادع + صليل الهواء .

الطبيعة :
ماهي إلاّ فرقة موسيقية ربانيّة..


.

[سعد الغامدي]

:

.


حين فَقْدْ :
تصبح العولمة حقيقة مجرّدة من معناها .. !


حين فَقْدْ :
تصبح القناعة فريسة لأمل ما ..!


حين فَقْدْ :
تنمو أشجار الصبّار في الأفئدة القاحلة إلاّ من شوق !


حين فَقْدْ :
تموت الحقيقة .. ويولد شاعر خيااااااالي


حين فَقْدْ :
تقل الحيلة .. ولا تٌنكّس القلوب !




.

[سعد الغامدي]

:

.



يالطيف الروح وينك ..؟! غايبٍ ياكافي = ماشبعت من الغياب اللي ملاني خنْقة ؟!
صرت كنّي من بَعَدْكْ ( معمّر القذّافي ) = أرتجيك بكل بيت وكل دار و زنقة



.

[سعد الغامدي]

:

.



غريق في بَحْر حبّك .. والمواني وداع !=وأدعي عسى الله مانجّا معاك غْرقي



.

[سعد الغامدي]

:


.



وإن نامت عيون الملا .. نلتقي وين ؟!=والدرب موحش .. والبحر دون مينا !
إحْلَم حبيبي .. ماعلى حلمنا عين = خل المسافة توقظ الحلم فينا





.

[سعد الغامدي]

:

.


لبّيه


لبيه ياصوتٍ فضَح بِيِض الأوراق = مالاق في وصْفَه وصايف وتشبيه !



.

[سعد الغامدي]

:

.


عِنْدما شَعَرَت الشعوب العربيّة بالصقيع ,
أشْعَلَت النار في حُكّامها ..!



.

[سعد الغامدي]

:

.

سَمِعَ صوتاً قادماً من غرفة النوم ..!
ذَهَب ليتأكد ..
الصوت قادم من خِزانة الملابس ..!!
فتح باب الخزانة
وَجَد ملابسها تتهامس :
( ياترى متى ستعود لترتدينا مرّةً أخرى ) !!




.

[سعد الغامدي]

http://a3.sphotos.ak.fbcdn.net/hphotos-ak-snc7/314802_173653469385298_100002219370119_375669_1369 99307_n.jpg


كرت صعود الطائرة على الخطوط التركية : )
إلى اسطنبول مدينة الطبيعة والتاريخ ..
كانت رحلة ممتعة ..

[سعد الغامدي]

http://a5.sphotos.ak.fbcdn.net/hphotos-ak-snc7/318514_173666052717373_100002219370119_375766_2028 432227_n.jpg

من اليمين أنا وصديق الرحلة أحمد
الصورة في تركيا / قرية سوقوت
وخلفنا تظهر تماثيل لروؤساء الجيوش الأتاتوركية وفوق ينتصفهم أتاتورك
المقدّس عند الشعب التركي ..

[سعد الغامدي]

http://a1.sphotos.ak.fbcdn.net/hphotos-ak-ash4/316024_173672646050047_100002219370119_375817_1037 072894_n.jpg

مستعد للقيام برحلة بحرية / البوسفور

.

[سعد الغامدي]

http://a8.sphotos.ak.fbcdn.net/hphotos-ak-snc7/315054_173673756049936_100002219370119_375825_2477 52397_n.jpg

في القارب السياحي ..
بحر ومطر وطبيعة ساحرة ..

.

[سعد الغامدي]

http://a3.sphotos.ak.fbcdn.net/hphotos-ak-ash4/313800_173679962715982_100002219370119_375875_1161 706482_n.jpg

أمام البوابة الملكية لقصر دولماباهتشة / اسطنبول
نلاحظ روعة البناء العثماني ..
.

[سعد الغامدي]

http://a7.sphotos.ak.fbcdn.net/hphotos-ak-ash4/319989_173661216051190_100002219370119_375738_1539 203277_n.jpg

قبل الغروب
قرية سوقوت / تركيا

.

[سعد الغامدي]

http://a6.sphotos.ak.fbcdn.net/hphotos-ak-snc7/301560_173670152716963_100002219370119_375797_6226 41927_n.jpg


ترحيب على شاشة البلازما
من داخل الجناح الخاص بفندق جراند جواهر / اسطنبول ..

.

[سعد الغامدي]

:


.


كنت في حيرة من أمري
فلم أعلم ماذا أقدم هدية لوالدي العزيز
فكّرت في ساعة ثمينة فوجدتها في يده
فكّرت في دهن عود فاخر فوجدت رائحته تفوح من ثيابه
مشلح لا يلبس ..

في النهاية إشتريت له مسبحة من الكهرمان
ذات رائحة طيبة وماتغلى على ابو عبد الله : )


.

[سعد الغامدي]

:

.



هذا المسا يشبه ( ليان ) = و ( إيلاف ) يشبَهها الفجر
خَوَات .. يشبههن خَوَان = عيد الضحيّة .. والفطر ..!
فيهن طهر شهر إرمضان = فيهن من العَشْر الأُخُر




كل عام وأنتم بخير ياحبيباتي Rose1Rose1

[سعد الغامدي]

http://a4.sphotos.ak.fbcdn.net/hphotos-ak-snc3/15541_185541180889_641860889_2854004_2748405_n.jpg

شارع الشيخ زايد / دبي


.

[سعد الغامدي]

http://a1.sphotos.ak.fbcdn.net/hphotos-ak-snc3/15541_185541160889_641860889_2854003_634390_n.jpg

برج خليفة / دبي

.

[سعد الغامدي]

http://www.abjdeat.com/vb/imgcache_z/2011/11/f0d68ed9837d1aaea75bd209285a0a5e.jpg

التاريخ 11-11-2011
الساعة 11
الدقيقة 11
الثانية 11

إقضوا هذه الهندسة الربّانية المتميّزة
مع شخص مميّز في حياتكم Rose1

.

[سعد الغامدي]

:: خلاص الماضي ودّعْتَه ::

http://www.youtube.com/watch?v=H82hR5YfgqY


Rose7747

.

[سعد الغامدي]

:

.


!! دموعاً في مآقيها !!

Rose1

لاأخفيكم بأن الدموع تعدّت المآقي بكثير :)
إلى هنا أحبتي سينتهي المشوار ,
شكراً لكل من قرأني , شكراً لكل من تابعني وطالبني بالمزيد , وعذراً
كوني أغادر فجأة ..
هي الحياة فقط , أحد يرحل وأحد يبقى :)



لن يكون هناك سعد الغامدي بعد الآن
وأعلن إنسحابي التام من النت بشكل كامل
ولذلك أنا بريء من أي محاولات للكتابة بإسمي
أو أي اقتباسات لما كتبت


كونوا مبدعين
( تحياتي )
Rose1