تحقيق الأماني

[خالد الضحيك]

بسم الله الرحمن الرحيم


قصيدة جديدة عسى أن تحوز على رضاء الجميع


الأماني لابدا الليل تحقيق الأماني

والســهـر يطغي عــلــيـه بـــليلٍ يستمده

مايحوش الرمش غفوة ولا بضعة ثواني

والعيون اللي عصتني عـــليَه مستبده

مــانسيت اللي تــلاشت وخلتني أعاني

البقايا زودتها جــروحــــن مـــــستجده

الجبين اللي قـــريتيه بعيونك قــــراني

والشتات اللي تبعثر بــقايــــــاه الموده

والــمكان اللــي هـجرتيه مايبقى مكاني

لـــــــو يطول بذكرياته وهجرانه وصده

و الـــكيان اللي كسر حــيلي الباقي كياني

لــــو أكـابر في سنيني يبوح الوقت سده

الجمل يصبر على الشيل ويجر السواني

والــبحر لاهــــــاج موجه بأمر الله يرده


خالد الضحيك

[فهد عشيوي]

صح الله لسانك يا بو بندر

كعادتك جميل في كل حالاتك