محمد الخشيبان
04-28-2009, 06:08 PM
السلام عليكم ورحمة الله وبركاته
مسائكم خير
مصافحه لـموفن عباره عن رديه جديدة بيني وبين الشاعرة المميزه بنت القصيد ( القاسميه )
واتمني ان تنال علي اعجابكم
غربه
الليل مقبـل وذيبـه بالحنايـا يعـوي= ليل الشتا جوع حد الذيب ويش السـواة
أقبل عليه وطواه الجوع الاقشر طـوي=يقنب تردد صداء صوته جبال السـرات
لاقلت ياذيب هـود قـال خلـك خـوي=دام انت في مبدأ اهل الطيب درب النجاة
الوضع يالقاسميه شفت ماهـو سـوي=لاجاعت سبعاها واستسبعت كـل شـاة
دام الثعل يفتل الاشنـاب ولا يستـوي= عنده طويل الذراع ولاسمـع بالوصـاة
كيف اتعود على هذا الخطـا وانطـوي=والعين بعض الليالي ماتطيـق المبـات
اسهر مع الليل والنجمات مثـل ابـدوي= طري عليه الزمان اللي مضالـه وفـات
اليا تذكـر صبـاه و مافقـد مـن ذوي=يون ويغض طرفه خايف من الشمـات
هذاك انا مثل حالـه بغربتـي منـزوي=مالي خوي كود قافي دفتـري والـدواة
الدفتر اللي معي يابنـت كـان يحـوي= موضوع غربه وغربة ذات وش هالحياة
الي يامتي الهم بالخفـاق يـدوي دوي=واليا متي عبرتي لاقرب الليـل جـات
العبره اللي تمـر الخـد مثـل الكـوي=عبرة قهر تذبح قلوب الرجـال الدهـاة
واليـوم يالقاسميـه مابقالـي خــوي=غير القلم والهموم ودفتـري والـدواة
رد المميزه بنت القصيد القاسميه
ياللي تنصّاك ذيب الليـل وانـت حْمـوي=شيٍ طبيعي تفـز مْـن الحميـا سـوات
الفارس اللي نهـار الكـون مـا ينغـوي=لاسل سيفه وهاش أجتـث روس العـدات
لين ان حده مـن الـدم الحمـر يرتـوي= ومن الحمول الثقـال يريّـح المسرجـات
ويصير للهاربـات بْـلا حمـول أعـدوي=لـنّ الرياجيـل حملـن يتعـب العاديـات
مادام ليلك وليل الذيـب صـار سْـروي=على الخوي للخوي يالقاسمـي واجبـات
أليا اعتلابك على المرقاب بـه لـتْهـوي=ولا ورّدك نهـر دجلـه ورّده للـفـرات
مـادام خـاواك حـاول كـل ماينـتـوي=يطلع على النايفه تطلـع علـى النايفـات
تال الزمن لايغرك لـو غـدى فوضـوي= الضيق بعـده فـرج والخيـر فالمقبـلات
وللمسك لاشك مـع دم الغـزال جْـروي= يجري معَ الدم وسط عْروقـه الجاريـات
ولْيا طبخت الظبـي والا شويتـه شـوي=في راسه اللي بدون عراش لا جاد فـات
معنى كلامي هذا ! لاجا لضـوّك ضـوي=لا تطبخ المسك ليـن اتعبـي الفاضيـات
وأنته منَ العرف ماتحتـاج زود غْنـوي=لـتْحطّني بين نـار وغـار علـمٍ ثبـات
من دون مانشدك عن معناك وش يحتوي=أقـارب البيـنـه وأســدّد الخافـيـات
ماهو ذكـا مـع ذكـي تِذاكـي الفهلـوي=يبقى ثلاث أن خسر وجهه من أربع جهات
يامحمـد القاسمـي يمـنـاك لاتلـتـوي=للهم وانحت شعورك فوق حيـد الصفـات
الله وهبـك الشعـر يالشاعـر المهتـوي=فضفض ليا ضاق صدرك وحْبك المفردات
مادام باسـك ليـا غنّيـت قافـك قـوي=تسعه وتسعين بالميـه مـن الهـم مـات
للشعـر يالقاسمـي تأثيـره المعـنـوي=غيرك من الهم مات وفوق قلبـه عبـات
مسائكم خير
مصافحه لـموفن عباره عن رديه جديدة بيني وبين الشاعرة المميزه بنت القصيد ( القاسميه )
واتمني ان تنال علي اعجابكم
غربه
الليل مقبـل وذيبـه بالحنايـا يعـوي= ليل الشتا جوع حد الذيب ويش السـواة
أقبل عليه وطواه الجوع الاقشر طـوي=يقنب تردد صداء صوته جبال السـرات
لاقلت ياذيب هـود قـال خلـك خـوي=دام انت في مبدأ اهل الطيب درب النجاة
الوضع يالقاسميه شفت ماهـو سـوي=لاجاعت سبعاها واستسبعت كـل شـاة
دام الثعل يفتل الاشنـاب ولا يستـوي= عنده طويل الذراع ولاسمـع بالوصـاة
كيف اتعود على هذا الخطـا وانطـوي=والعين بعض الليالي ماتطيـق المبـات
اسهر مع الليل والنجمات مثـل ابـدوي= طري عليه الزمان اللي مضالـه وفـات
اليا تذكـر صبـاه و مافقـد مـن ذوي=يون ويغض طرفه خايف من الشمـات
هذاك انا مثل حالـه بغربتـي منـزوي=مالي خوي كود قافي دفتـري والـدواة
الدفتر اللي معي يابنـت كـان يحـوي= موضوع غربه وغربة ذات وش هالحياة
الي يامتي الهم بالخفـاق يـدوي دوي=واليا متي عبرتي لاقرب الليـل جـات
العبره اللي تمـر الخـد مثـل الكـوي=عبرة قهر تذبح قلوب الرجـال الدهـاة
واليـوم يالقاسميـه مابقالـي خــوي=غير القلم والهموم ودفتـري والـدواة
رد المميزه بنت القصيد القاسميه
ياللي تنصّاك ذيب الليـل وانـت حْمـوي=شيٍ طبيعي تفـز مْـن الحميـا سـوات
الفارس اللي نهـار الكـون مـا ينغـوي=لاسل سيفه وهاش أجتـث روس العـدات
لين ان حده مـن الـدم الحمـر يرتـوي= ومن الحمول الثقـال يريّـح المسرجـات
ويصير للهاربـات بْـلا حمـول أعـدوي=لـنّ الرياجيـل حملـن يتعـب العاديـات
مادام ليلك وليل الذيـب صـار سْـروي=على الخوي للخوي يالقاسمـي واجبـات
أليا اعتلابك على المرقاب بـه لـتْهـوي=ولا ورّدك نهـر دجلـه ورّده للـفـرات
مـادام خـاواك حـاول كـل ماينـتـوي=يطلع على النايفه تطلـع علـى النايفـات
تال الزمن لايغرك لـو غـدى فوضـوي= الضيق بعـده فـرج والخيـر فالمقبـلات
وللمسك لاشك مـع دم الغـزال جْـروي= يجري معَ الدم وسط عْروقـه الجاريـات
ولْيا طبخت الظبـي والا شويتـه شـوي=في راسه اللي بدون عراش لا جاد فـات
معنى كلامي هذا ! لاجا لضـوّك ضـوي=لا تطبخ المسك ليـن اتعبـي الفاضيـات
وأنته منَ العرف ماتحتـاج زود غْنـوي=لـتْحطّني بين نـار وغـار علـمٍ ثبـات
من دون مانشدك عن معناك وش يحتوي=أقـارب البيـنـه وأســدّد الخافـيـات
ماهو ذكـا مـع ذكـي تِذاكـي الفهلـوي=يبقى ثلاث أن خسر وجهه من أربع جهات
يامحمـد القاسمـي يمـنـاك لاتلـتـوي=للهم وانحت شعورك فوق حيـد الصفـات
الله وهبـك الشعـر يالشاعـر المهتـوي=فضفض ليا ضاق صدرك وحْبك المفردات
مادام باسـك ليـا غنّيـت قافـك قـوي=تسعه وتسعين بالميـه مـن الهـم مـات
للشعـر يالقاسمـي تأثيـره المعـنـوي=غيرك من الهم مات وفوق قلبـه عبـات