ثقال الهموم !

[خالد الجابر]

لو الهموم ثقال صدري حملهن
عزّي لحالي مرتكي للهـوايل

كم واحد ٍ من قوّهن ما صملهن
هدّن رجال ونوخن بالرحايل

يسعد حياته منهو اللي جهلهن
ما جال في باله من الهم جايل

لـو إنهن للبيع محد ٍ ملكهن
بارن مع اللي للشديدات شايل

الحظ مايل والبخت زلّ عنهن
وكل يوم من عمري يزود التمايل

يا ذيب ياللي بالخلا ما نقلهن
كل عيشتك ما بين جايل وصايل

رفيق دربك والردايا هجرهن
يشوم عنهن والنوايا رحايل

كله لجل لا قالوا الناس شفهن
مثايل الرجال راعـي الجمايل

إلا وأنا واحد من اللي رضعهن
والطيب من فمي على اليد سايل

يالله عفوك والذنوب تغفرهن
والعمر وإن طوّل نهايته زايل




Rose7747

[عبدالله عشيوي]

الحظ مايل والبخت زلّ عنهن
وكل يوم من عمري يزود التمايل

يا ذيب ياللي بالخلا ما نقلهن
كل عيشتك ما بين جايل وصايل




الله الله ياخالد


رائعة بكل ماتعنية هذه الكلمة....

صح السانك..




,,,

[نواف التركي]

صح قلبك

يا خالد

نص جميل وحضور رائع

[محمد الضويحي]

جابر : أهلابك .. نص متامسك البناء والمعنى ... وصح بوحك
فقط اتمنى تراجع هذا الشطر :

وكل يوم من عمري يزود التمايل

ودي وتقديري لحضورك

[فهد عشيوي]

صح الله لسانك

نص جميل



شكراً من القلب

[احمد مناحي]

خالد الجابر

هلا بك وغلا

صح لسانك الى رضاك

نص ينبض بالاصاله

لله درك

تقبل مروري