(( أنفــاســي))

[عبدالله القماصي]

تجتمع بعض الطبايع فـ البريّه=سجّ فيها كل واحد في سجيّه
طبع عيني لانظرت شي وعجبها=يهمس التعبير بوح الشاعريّه
اتعلم من غلا شوقي ألتزامي=كنها ضمن الدروس الجامعيّه
في زحامً داخلي بنت اصدمتني=جملّه ربي ويازين المحيّه
ياحسينه فيك كم ضليت اتمتم=عامره بعض الحلوم العاطفيه
تبتليني وتطبع عيوني جمالك=والعزايم داخلي ماهي قويّه
تنشف بحور القريحه من حلاها=من عقب جال وبحور لمهمهيّه
رمشها نسج الحرير وطرف خده=وردةً بالديم في فجر ونديّه
خصرها قوسين معكوس التقابل=نحت رسمة من حضاره بابليّه
حلم يسرق ألتحف عذر التقدم=واتمنى لين صادقت المنيّه
الغلاف الداخلي صعبه انكشافه=مير يذهلني غلاف الخارجيه
قيس لو قاس المسافه للمحبه=ماقدرت تغويه ليلى العامريّه
عالم العشاق احكامه عجيبه=لاغرابه بالشمع لاخان ضيّه
عوضيني يامنايّه بس نظره=لا اقول انك بصدك حاتميّه
كل شاعر يهتني لاجاه ليله=يوصف المحبوب او يمدح خويّه
الا انا مابين ظلمك وجور ربعي=بالتعامل لبسوني في قضيّه
صدري انفاسه لهيبً عم صدري=من سبب طبع الوفا صرت الضحيّه


Rose7747