ّّ.انفـــــآس متقطعــــه.ّّ

[بندر الشاطري]

صــــــدر وعجــــز

لايستطيع احدهما العيش من دون الآخر ...
.

.

.

نعم فالاول مكمل للآخر ...

.لذالك أخطأ وأقول شهيق وزفير .... أخطأ:confused: !! ربما أصبت ..

فالاحساس له انفاس ايضآ عند الشاعر من خلال تلك الابيات اللتي تجدد فيه الحياه ..

مســـــآحهـ .. متواصلهـ للأنفاس متقطعه ...


حنا فراغ(ن) يعتمد على وجود الاربعه
معادله تثبت بأن الشي ماهو من عدم

احجامنا واوزاننا والا الكثافه والسعه
كلن له بكونه مجال يحطله موضع قدم

نشكي فراغ العاطفه وانفاسنا متقطعه
نعيش في زحمة فراغ اما بناء والا هدم

نبغا نطفي نارنا وثلوجنا اللي مولعه
حتى ولو ننوي على الضحكه يشاركها ندم

.

.

هي نسب ربما تحتاج لمن يجيد التعامل معها لكي لاتنفجر بنا..

بندر

.

.

الشـــاطري

[بندر الشاطري]

اناهام السحاب اللي تراكم في سما الجافي
انا كف الكريم اللي قطعها شح خلاني

انا هيبة ملك يمشي على اشواك الزمن حافي
انا متصدر الاثنين اعيش المركز الثاني

[بندر الشاطري]

يامتعب(ن)ضـغـط الـزنـاد وشـارتـك مـاهـي بعـيـد
يامجهد(ن)نفسك عليها وهـي فـي حـدود الحمـا

البـارحـه يــوم انفـلـت شيـطـان شـعـري ياعبـيـد
كنـت احسـب انـه مـرتـوي واثــره متعـبـه الظـمـا

حلـيـم لـكـن لا انتـهـض تـقــول صـــدام المـجـيـد
فـتـرة رمــد فــي نظـرتـه ماوصـلـت حــد العـمـى

والحيـن مـن بعـد القحـط مالـه دوا غـيـر الشـديـد
يـخـايــل طــيــور الـقـصـيـد ولا تـسـاوتـلــه رمـــــا

الله يجيـب الـشـارده فــي حـضـرت الـحـر العنـيـد
حتـى تنـومـس خـاطـره مــن بـعـد مـاهـو احتـمـا

يعـنـي حيـاتـك يالـبـطـل والا مـمـاتـك يالشـهـيـد
ماهـي سـوات الباشـه اللـي رجعـوه اهـل ضرمـا

واقول من شعر(ن)نهج في خاطره سلم(ن)جديد
الطـيـر مهـمـا يعتـلـي لابــد مـــن فـوقــه سـمــا

[بندر الشاطري]

جيت اشارك واكتب اللي يجمل اسم الشاطري
شاعر واسكن معاني كونت هويتي

جال بحر الشعر يصفق من هواي لخاطري
بس حالت بيننا مافعلوا عضويتي

[بندر الشاطري]

( آي هوب ) ياقلبي اشوفك على خير
( بي ليف مي ) لو قلت انا ( آي هوب ) اعنيك

وانت الحبيب اللي سكن بالحشا ( هير )
متمركز(ن) ( بتوين ) ذولا وذوليك

خليتني لو شفت دنياي ( أن فير )
احبها ( تو ماتش ) لو كان يرضيك

( لتس قو ) ياخلي هنا واسحب ( التشير )
( دونت ثنك ) تتركني وانا ميت(ن) فيك

شفني اخبط باللغه دون تفكير
ابغا اوصل غايتي قلت احاكيك

مره تصيب اقولها ومره تطير
ماهي كلافة خاطري دايم اطريك

محبتك ماخالطت عيشت الغير
جتني كذا وانا لها قلت لبيك

[بندر الشاطري]

محتاجلك والحاجه ام الاختراع
يعني توقع كل شي اجربه

اعيش مره في خيال المستطاع
والواقع اللي في الخيال اسربه

اجيك مبحر مرخي(ن)حبل الشراع
واجاري رياح الهواء لاتخربه

بمرر افكاري واعدي للدفاع
واحارب امواج البحر وادربه

لعيونك اقطع هالمحيطات الوساع
وامر بحر الهند لا.. واعربه

ماقلتلك الحاجه ام الاختراع؟
يجيك فكري بالخيال مهربه

[بندر الشاطري]

المسافه هي عروق الجسم فيني
ودم قلبي ساكن(ن)والجسم دوله

وعقلي الحاكم وحجابه يديني
وبيرنا قلبي وشرياني يطوله

والضلوع اسوار يالله تحميني
دولتي وان هزها ضعف السيوله

الزمن لحظات من غمضات عيني
والعمر مابين ظل وبين زوله

الطموح قبور به حظي دفيني
والكتوف شداد وهمومي حموله

ذيب والشرهه على دورة سنيني
كل ماصكت علي قلت امحلوله

انتظر والحظ الاقشر مايجيني
وارقب الايام وايامي زعوله

[بندر الشاطري]

كلها يومين وارحل واتركك ترحل لحالك
بس جيتك قبل لرحل بمسح دموعك بكمي

ادري اني لو اشوفك عن دموعي مااتمالك
ماهو عيب اني بكيت ولو دموعي تزيد همي

بس خايف من عيوني توضح اني انسان هالك
واني ادمنتك محبه وسار مفعولك بدمي

قلبي وعقلي وكلي كل مافيني حلالك
اسمحيلي ياحياتي يانظر عيني وشمي