[ ركن .. ثـاني ] ..

[خالد بن سويط]

موفن

كُنت هنا بـ ركن "عفى عليه الزمن" ..
وعدت الآن بكل هدوء للكتابه ،

هُنا سأنثر ما لديّ بعيداً عن زحمة الشوارع وضوضاء المدينه ..
إسمحولي بالبدء ..

Rose7747




لا عاد تنشد خفوقي عن مشاويره ،
صدّيت عن كل درب ٍ لك يودّيني ..

وحتى القصيد الذي منّك تصاويره ،
صدّقني إن قلت لك : ماعاد يغريني !

خلاص يا قلب لا تفتح لي السيره ..
ما عاد باقي إلا عيني "تطيح من عيني" ..!

[خالد بن سويط]

.



ما حبّك الوقت مثلي .. لو تصول وتجول
ياللي ليا من بكيت أصبحت لك والد ،

البرد لا من لفى .. ما يقبل أيّة حلول
وين الدفا من قساوة ( بردنا الجالد ) ؟!

قال : القلوب الوفيّه واجد ، وقلت أقول :
رحّ وإن وفى لك بشر .. ماكون أنا خالد !!



.

[خالد بن سويط]

المجتمع .. غرّب أحاسيس و وجيه
وفي آخر الدنيا .. يجي شيّ فاصل :

إمّا تعيش إنسان .. كامل بما فيه
ولأّ تعيش إنسان .. ( تحصيل حاصل ) !!








- أعشق ، وأفارق ..
يعني :- إني أواصل !

[خالد بن سويط]

..



ما بين أمس وبعد باكر .. سوى : بكـره
وأحلامنا بكل صراحه : كذبه / عشناهـا

ما دام ماهي محبّه ... ليه بس نكـره ؟
وأحلامنا الحلوه ، في ليله .. وسهرناها !

لو ندري الموت ياتي من بعـد سكـره ؟
ما كان شفت الخطايـا تمـدّ يمناهـا ..

نقول : بكره بنفعل .. بس على فكـره :
ما كل بكره ليا من قلنا ..... شفناهـا !



:)

[خالد بن سويط]

..


http://farm4.static.flickr.com/3052/2829481766_c2ca550b45.jpg


يومي قدرت أبتسم ، قال الزمن : هيّن !
ـــــــــــــ بكره تهلّ المدامـع ... دون ما تدري ،


وتحاول تخبّي جـرح ، وجـرح ٍ يبيّن ..
ـــــــــــــ وليا غفيت .. الجروح اتقول لك : بدري ؟


قلت : الله إن شانت الدنيا عسى يزيّن
ـــــــــــــ صدري × ليا من ركى همّي على صدري !



..