عبث..هاوي..،

[عبدالله القماصي]

انا كتبت الشعر ولا كتبني=الكل منه ساعين في طموحه
فاس الزمن ماضرني لو حطبني=يمكن عروق الجذع ترتد روحه
أقسى علي من الغرام انخذلني=وعطر الاماني داخلي شمّ فوحه
أنادي احزاني فراغن هجرني=والفرحه تبخل في وصالي شحوحه

[عبدالله القماصي]

خط الحزن اركى علي الفواتير..........لاينفصل واقطع معاه اتصالي
والله يفرق في وصاله عن الغير........خضعت له واتحمله ماجرالي

[عبدالله القماصي]

اكرب صواميل الغلا ياحبيبي=خطاك يدمح لاتفكر تعيده
أعرف قريب العين منك قريبي=ولاشافتك عيني وتفضل قصيده
تذكر على الزعلات دايم نعيبي=ونضحك من عزوم الغرام البليده
ياشمس ودي لو سمحتي تغيبي=من غيبة الغالي عزفت النشيده

[عبدالله القماصي]

صحرا النقا وسطها مخيم...راحة رجولي بموطاها
حتى السما لجلي تغيم...ارض الوفا خير ملفها
على السجيات ماهيم...مرسوخ بالقلب مبداها

[عبدالله القماصي]

البعد والشوق في ذاتي=للعالم الثاني تزمه
اجمل شعور وهو الآتي=كل يوم شوفتك يايمه
اشتاق لك كل لحظاتي=مثل السمك لافقد يمه
ودعت زولك وعبراتي=في داخل الصدر ملتمه
الا الزعل ادري سواتي=الجهل افعالي تخمه
باقي على كل هقواتي=ووصيتك تعتبر ذمه
ياسرعها كل الاوقاتي=غربة هدف تنتج مهمه
مسعاي فخرك براياتي=ويبقى لنا بالسعد عمّه
اخاف احكي معاناتي=ونبقى على لسانهم نمه
يمه وزولك لظلماتي=يشفي لي القلب من غمه
اشوفبك كل مساراتي=القلب تسرين في دمه
انتي السبب في نجاحاتي=لولاك محدن وصل قمه
ماهي ببوح انطباعاتي=ولدك بعدك عنه سمه

[عبدالله القماصي]

كلن مغلفها على نية الخير=لازم أبطنها على خير نيه
خفت الخطأ وحساب عدلاً بتقرير=يوم العذاب لكل نفساً عصيه
يامعانداً نفسك تفضل بتنذير=تضيع لا خالفة سير المطيه
للفوز بالطاعات نحتاج تصبير=عن افتعال المعصيه والخطيه
املي عيون الخوف رهبه وتدبير =احفظ كتاب الله وسنة نبيه
همي بحر طرب لصوت المزامير=يتوسل بتوبة جهر بالخفيه
يابحر تكفى من عذاب المشاوير=مابي نجاة، الموت أثمن هديه
رسمه جبينك افتنتني بتصوير=يعكس بها أنوار صبح ومسيه
أنغام موجك عازفه للتباشير=يارب يمسح كل ذنب عليه

[عبدالله القماصي]

ياموتري صاحبك اعلن لمسراه=في داخله زحمه مشاريع تلهيه
مقدر على فرقا الحفر قلبي اغواه=دارن حبيايب غاليه ساكنه فيه
ماينفع النفس الصويبه مداراه=لا تنقدوها ماعليها مشارييه
زول الحفر في عين صاحبك محلاه=يسوا الخليج من اوله لين تاليه
الكل يعلن له خضوع وموالاه=سكنتها وقلبي ببعدي تباريه
لبى عجاجه بالغياب نتحراه=ودداسنه زول الشوارع تحليه
العسكري والعاطل وراعي الشاه=هذا نموذج مختصر عن اهاليه
سمعت صوته من صدى همً ابكاه=بكي من أسراره مع رحلة التيه
ياموتري نبي الحفر صاحبك جاه=ويلي عليه ابرتوي منه ضاميه

[عبدالله القماصي]

مرات اشوف الزمن قاسي=ويزيل بالورد تحنانه
كثير طاغي على نعاسي=مع صوت الاوتار والحانه
ليه احتري دقت اجراسي=مادام الاجراس خربانه
متلخبط الراس منحاسي=سبايب الليل والدانه
مركب بشط الزمن راسي=للحين ماجاه ربانه
الفعل يسترني لبـاسي=يوم اكثر الناس عريانه
يابنت انا بجمع احساسي=عل وعسى تمتلي الخانه

[عبدالله القماصي]

ينام الليل في حلمي يجي هالنور يمحيبه=اعاني الوقت والدنيا عبر والناس خداعه
نلوم النفس وأصوات الصدى بالصدر تهويبه=نبي العليا ولاضنيت بفعلي تحيل جزاعه
شكى في هالزمن شياب وشباب اسباب هالخيبه=متى والحال نفس الحال هواجيسن بلا طاعة
ننادي للفرح وينـك؟ نبي حملّك متى تجيبه=ضمايرنا رماها الجهل وسبب هالجهل نزاعه

[عبدالله القماصي]

المعرفه كنز لكن كنز ماهو برصيد....بالتعامل مرابح هاك كشف الحساب
لاتعذر ترا الأعذار حجة بليـد.....تجهل انك من العنوان تقرأ الكتاب
المقفيّ كرهت أطباع من له طريـد .....التصدي معالج وأتباعه عذاب
مختصرها معزة فيدني وتستفيدد.....دون شرهه تغثك لاسمعت العتاب
كون دايم مثالي والمثالي سعيد .....لو تشمّت عدوك وافي ولاتعاب
خل فيك القناعة سايله بالوريد .....تنفعك بالتحمل وتطعن الأكتئاب

[عبدالله القماصي]

أأأأستاااهلك ياحرف ولا خســااره ,,,, فيك أتغــنى ولاتسمعت لك راي
سقتـك على الظلمـه وحـزن السهـاره,,,,يـاكــثر ما عــانـيت ويـاي ببـكــاي
ماهـو محلّك أنـت بـأعلــى المنـــاره ,,,,وافي الخطاوي ماتخـالـف مع خـطااي
دمـعي همر هــمـي وكانـت عصــاره ,,,,أخفيتـها لا بـوّح للنـاس شكــواي
يخفـي زمــاني ليــّه يخفـي شعــاره؟ ,,,,كنـّه تخفـي البـرد لاداهـم غطـــاي
قنـاص للـفـرصـه وهــذي نــمــاره ,,,,والـوقـت يمـشـي وتـاه رايـي بلا راي
مـحتـار والمـحـتار يــصعـب قـراره ,,,,ينسـى جفـاف الـريـق لاحـتاج للمـاي
كـن الـقـوافــي أعشـاب طـب بـعـطـاره,,,,يـوم أمتزجها داخـل بكاسة الشاي
عـشقـي لـهـا عـشـق الكـبير للصغــاره,,,,واللـّه مـانسـاهـا إلـى يـوم مثـواي

[عبدالله القماصي]

ياصباح الزين يازين الصباح=زين وجهك نور القاف وبديت
شفتها والشعر بادر بأنشراح=بالأمر اكتب وافز من المبيت
الجمال الوافي الكافي استباح=أكتب اوصافه ومنها ماقويت
لو سمحتولي رفضت الأقتراح=مايقارن في حليمه بالكويت
حاجبينه لانظرت ترسل رمــاح=أطعني اكثر تراني ماكتفيت
يوم جاني طيّب الخاطر وساح=مايبي مقبول بالعمر افتديت
ابتسم قلبي وقبل جيتك ناح=لهفتي يالهفتي ليــــه استويت
ان زعلتوا او رضيتو السماح=عالعذارء كلهم أنت اعتليت
بالحلا قافي معك يازين فــاح=عطر بوحي فيك ليلي ماسليت
كل قانص شافها عاف الفلاح=غير شيهانه بصيدي ماهويت
قبل تاتي ليل وبجيتك لاح=نور قلبّك منه لدروبي ضويّت
قمة اغني اغنية سيد الملاح=فارغه خانات قبلك وامتليت

[عبدالله القماصي]

خيبة مصيري ارتبط في مصيرك ،، غلا بخدعه منطقك تملكينه
الزيف والتبذير دايم سفيرك ،، ودرب الوعر يابنت لاتسلكينه
والله ماطيرت طيري لطيرك ،، الا وانا جازم غدر تطرحينه
ياعلني اضمى واموت وغديرك ،، ماحتاجله لو العمر ترجعينه
انا انخذلت اليوم وياما بغيرك ،، قلبي جروحه دوم لا تنزفينه
جيتك طفل مشفوح يبغى عصيرك ،، قدام عينك ليه ماتشربينه
أبسئلك عند الفعل عن ضميرك ،، ياجاهله مدري تبي تجهلينه
ماهي شمّاته فيك دامي نذيرك ،، فعل الخطأ والقبح لاتفعلينه
بكره تبيني انقذك من غزيرك ،، غريق بحرك ليت ماتسبحينه
أعرف طويلك يوم تنسى قصيرك ،، وكني بصمت البوح عندك رهينه
مايشوف قلبك جعل يشفى ضريرك ،، ونسكت ومثلك يالغلا خابرينـه
عزاه كل رجال صاير اسيرك ،، بحفره عسل منطوق طايح تبينه
انا الغني يابنت ماني فقيرك ،، غالي ثمن قلبي عسى تشترينه!!؟
ياحزن قاف ومنتشي من عبيرك ،، دام انخلط بالريّح عطر السكينه
خفف من التنهيد وأمنع صفيرك ،، أبيع منهو باعني بمشتريـنه

[عبدالله القماصي]

هذا السنع للقوافي غير ،، تسنع بشوفت السنـعه
ماهي سذاجات بالتصفير ،، يوم السنع صاربه صنعه
يامهلمه الشاعر التعبير ،، مصبوب بيته ماهو رمعه
الوصف محتاج للتطوير ،، والصعب قايم على منعه
موزون فعلك ماهو تبذير ،، انت القمر والملا شمعه
هذي الحقيقه ماهي تزوير ،، الناس تشهد ومجتمعه
في بسمتك تقهر النوير ،، ينغاض منهو طغى طبعه
جمال بالفلسفه تصوير ،، يبهرك هالزين من سمعه
شبكتني فيك مثل الطير ،، مدمن غلا زيدني جرعه
غموض حسنك يبي تفسير ،، ماظنتي جاك في قرعه
احتاج امشي معك بالسيّر ،، فارس ومحتاجلك درعه

[عبدالله القماصي]

صمت البراءه والنعومه . بعنوان .. شموخ عفّه والدلع تستحله
ملاك مدري مملكة داخل انسان ... قلبي عيونه كل حالي تدلـه
ودي انا فارس ولاهاب فرسان ... السيف رمشك سلهامتك تسله
تروى وتشبع مأنت ضامي وجيعان ... لامن تحس الشامخ بلا مذلـه
يابنت انا هيمان . ماظني غلطان ... ميانتي من باب خوه وفلــه
يا الزين حظي زان عندك ولاشان ... وانزاح عن صدري هموماً تعله
صعبه اسطر لك ملاحم بديوان ..... والله وصوفك للجزاله مذله
لبيه . لو تبغى اتفزع بويلان ... مادام تربط بالحبل ثم تحله

[عبدالله القماصي]

ياجميل الوصل قربك يبهّت ألوان الآمان=حسبنا كل حساباتك مع الأيضاح يتليها
كان مركبنا ببحر الشوق وياما كان كان=اخترق طهر السفينه واغرقوا منهو عليها
مارضيتلي لي مذله ولا عليك أرضى هوان=والخطأ أن كل نيه مثل نيتك تحسبيها
اذكري درس السعادة لانمزج بالقحيوان=وذكرياتي والصور ويا الموده احرقيها
جاهله معنى الكرامه وانها تنتج كيان=لاصحى بك وجه نيّه عقب نومه اغسليها
راجعي ذنوبك وتوبي عيشنا ما له ضمان=لذة النفس وهواها واجب انك تفتديها
أحسب الناتج بعقلك عمرنا بالكون فان=الله أكبر من خضع له جنته من داخليها

[عبدالله القماصي]

صفيت مابين الشقا والمقادير=حيران مدري منهم الي صفالي
خطوات طامح بالدروب المعاثير=طالت مسافات الأمل بالوصالي
ساكن بغربة وازرعتني نواوير=واول دروسي كان درس المعالي
اخطيت فيها بالتهاون على السير=واغلي رخيص ومرخصً كل غالي

[عبدالله القماصي]

قهوّ الجفا ياذوق من دلة الشوق=وأقدع وصال للنخلة الحب ساقي
شرع المحبه ماحفظ للوفا حقوق=ولازلت متمسك بعهد ووثاقي
أن ماجتمعنا بذوق للفراقنا ذوق=وتكون سمحه ذكريات الفراقي
والحب لما تكون بالكون مسروق=عند الـ غلا . في اندفاع التلاقي

[عبدالله القماصي]

*لو ينتقدني ماجد الروح عسره ،،،،،،،، هم وغرام وليل مع ذلك اغــراب

*يا صاحبي والنفــس للســوء قذره ،،،،، واللوم يغرينــي ولو قصـدك عتاب

*هذا الأمــل ياصاحبــي ضاق صدره ،،،،، في داخلــي ماعــاد له أي محراب

*يا صاحبــي والليل لا زالـ غــدره ،،،،، همــش طموحي لكن الليل كــذاب



*يتعب سواده والـوهم بس عذره ،،،،،،،،،،،، والليل عاري لو تستر بجلبــااب

[عبدالله القماصي]

ثلاث سنين وانا داير بدوامه وهم وامال ... حسبت ان السراب الماء وانا للحين ضمياني

غريب وتنبت احلامي زهور ويجرف الشلال ... طموح العشب ماوده تطول وتيبس اغصاني

مادام ان العمر فاني نصيبي شالسبب يحتال .... ابعرف شالسبب يعني مادام ان العمر فاني

[عبدالله القماصي]

خواطربقلبي تجول=وأفكار ماهي منصفه
صامت وبي صرخة تقول=دمع الجفا لاتذرفه
رفضت أنصاف الحلول=لن النهاية مؤسفه

[عبدالله القماصي]

ياريم شوفك عيد واحلى مواعيد=لا من دفعنا شوقنا بعد غيبه
وأرواحنا تزفر تعبها تناهيد=ونستنشق بلهفة حبيب وحبيبه
ودي أكسر حاجز الصمت والقيد=وآبيع أحساس الغلا وأشتريبه
قلبك يشابه قلب أم المواليد=اللي ضناها من غلاها تهذيبه

[عبدالله القماصي]

صار الطفل في مجتمعنا سياسي
وأوهـامنا بأعلامنـا نقترفها

بالذل تصرخ من غضبها الكراسي
والحاكم البرواز هام بكنفها

الشام بالاسلام له دور اسـاسـي
يوم الصحابة أفتحوه بشغفـها

يا أمة العزة ترى الذل قاسـي
يكفي كرامتنا تدنس شرفـهــا

مؤسسة وأحزاب وحل دبلومـاسي
سلعة جلبها الغرب لين أعترفها

لو نجتمع في قلب واحد سواسـي
ونفوسنا تبقى العقيدة هدفها