تفعيلة [الأرشيف] - منتديات موفن

مشاهدة النسخة كاملة : تفعيلة

أحمد التيمان

12-27-2009, 10:13 AM

Rose7747

أتمنى أن تصل لقلوبكم !

أحمد التيمان

12-27-2009, 10:27 AM

اسكب على ليل الطريق الضي !
اسقِ الأماني مي !
سوّ ايّ شي !
مـ اقدر على هذا العمر وحدي ؛
اكبر معاي شوي !

الحب يحتاج لـ زمان اقدم من الماضي ،
واصدق من الحاضر ،
واجمل من القادم ،
عشان احبك فيه !

الحب يحتاج لـ تعب كثر العتب منّك !
ولا تزعل ان ما جيت ..
ازعل انا عنك !
وان مرّتك غفوة زعل ؛
طالبك ..
تكفى عيّ !!
واكبر معاي شوي !

Rose7747

أحمد التيمان

01-04-2010, 01:04 AM

صباح الخير !
صباح الناعسين الذابلين أجساد ،
صباح العيد للأولاد !
صباحٍ يشبه أوراق الشجر لا غازلت شبّاكك الشرقي وعشّ الطير !

صباح الخير ..
وتخنقني حبال الذاكرة ،
وامضي ادوّرهم ..
يا فيروز .. اسكتي ؛ اسمع خطاويهم !
ولا تسكت ،
واضيّعهم !
والاقيهم !!
على آخر هالنفق مقفين الاقيهم ،
واناديهم !
ويعبر هالمدى صوتي ،
ويتسلل لهم .. يحضن أذانيهم :
أنا أحمد !
تركتوني ورحتوا ..
ما أخذتوني !
عرفتوني !!
عرفتوني !!!
عرفتووووني !!

وتعتقني حبال الذاكرة : اصحى !
صباح الخير !!

Rose7747

أحمد التيمان

01-10-2010, 12:58 AM

الليلة ذي بالذات ؛
كانت طويلة سكّة الأوقات !
كان الطريق اللي يضيق اعمى !
وكان المدى ظلمى !
وكانت معي ..
كانت معي سلمى !
وكان الأمل بآخر رمق ..
يستجدي اللحظات !
وفي الليلة ذي :
ماتت معه سلماي !
ماتت
معه
سلماي !

Rose7747