التوت

[حمود محمد غزال]

انا ذبحني راهي الحسـن ملكـوت=الجـادل الـي ماخـذ القلـب كلـه
قطعة ذهب نادر مرصـع بياقـوت=البست شعري مـن وصايفـه حلـه
يامسـك ياريحـان ياسكـر وتـوت=يـاوردة الجـوري ويـاورد فـلـه
من سبتك قلبي من العـام مكبـوت=ومن سبتك عقلي غـدا فيـه خلـه
كن الحلا كله على الوجـه منكـوت=والملح كنـه فـوق وجهـه جبلـه
مابين خده واسفل العيـن منحـوت=سيـف وعقيـدٍ للمعـاديـن سـلـه
حبٍ على وضح النقا مابـه الـوت=غلاه وسط الجـوف ياكبـر ضلـه
فصلت من وصله البرد الجفى كوت=مير الزمـان امـزع الكـوت كلـه
اقفى وخـل القلـب بقفـاه مفتـوت=واصبحت انـا مابيـن علـه وعلـه
كني وحيدٍ ناهـشٍ رجلـه الحـوت=كسيـر مالـه مـن عويـنٍ يشلـه
اصبر على الصدمات والغبن بسكوت=غبن الضرير الـي مضيـع محلـه
بيدي انـا ميـات واللعـب كبـوت=مامن حلـل والحـال منهـو يحلـه
الفوت لامن فات ماينفـع الصـوت=والحي لامـن مـات ياهيـه خلـه
ضني قصيدي دواء وعلاج مكبـوت=مير البـلا زاده علـى الطيـن بلـه