نواف التركي
03-13-2009, 04:30 PM
.
.
.
هل رمى قلبك من الخفرات رامي ؟ = أم طرت( ميِ ) عقب عمرٍ طويل
لا تهيّضني وأنا حرٍ قطامي = يكفخ .. وحمله من الدنيا ثقيل
السوالف موجعة .. والجرح دامي = والليالي .. ما تخلّي لك خليل
والقصايد .. كل ما يردم غمامي = بشّرت جدب المحاني بالمسيل
مير دوّه للمطاريش الضوامي = قلّهم يردون عدٍ سلسبيل
إيه ياللي من ورى حدبي توامي = كل ماهب الهوا .. غصنك يميل
صرت أغنّي : ما رحيلي ؟ ما مقامي ؟ = دام مالي عن لضى الرمضا مقيل !
ما عمى عيني .. ولا كسّر عظامي = غير نفسٍ ما تعرف المستحيل
شوفني .. مثل السما صرت مترامي = وين ما صديت تلقى بي مخيل
مابقى لك غير حلمٍ في منامي = والعوض منّك ولو شيِ قليل
لا تطيّر من على غصني حمامي = دام ما للوصل فالدنيا سبيل
هاجسي.. يا هاجسي .. طوّل هيامي = والشمال يفوح منّه ريح هيل
من يوصّل غربي الباطن سلامي ؟ = يوم طال الوجد وعيوني تخيل
يا هلي.. يا كربة ضلوعي.. حزامي = والله إن كنّي على جمر المليل
يا هل الريشا مقابيس الظلامي = الله الله فالحمول ولا تميل
يا شعطان العزّ .. يا كبار الأسامي = يا هل الفزعات .. مزبان الدخيل
يا (البويت ) المرتكز بالفخر زامي = من زبن رفََتْك ما عوّد هزيل
من يبشرني عن الحر القطامي ?= من يخبرني عن الشهم النبيل ?
الطروق تكود .. والميدان حامي = وأتصبّر مير ما صبري جميل
أيه .. متعصّب لـ / عايض ومتحامي = ولا يضر اللوم وقفات النخيل
ما يخاف من الصحيح .. إلا الحرامي = ولا يدوّر عذر .. ياكود البخيل
وإلا أنا وإن طال في الغربه مقامي = ما ذخرت لفزعة الغالين حيل
من يوصّل غربي الباطن كلامي = من يعبّر صوتي الدرب الطويل
ياهلي.. يا كربة ضلوعي .. حزامي = الله الله بالحمول ولا تميل
.
.
هل رمى قلبك من الخفرات رامي ؟ = أم طرت( ميِ ) عقب عمرٍ طويل
لا تهيّضني وأنا حرٍ قطامي = يكفخ .. وحمله من الدنيا ثقيل
السوالف موجعة .. والجرح دامي = والليالي .. ما تخلّي لك خليل
والقصايد .. كل ما يردم غمامي = بشّرت جدب المحاني بالمسيل
مير دوّه للمطاريش الضوامي = قلّهم يردون عدٍ سلسبيل
إيه ياللي من ورى حدبي توامي = كل ماهب الهوا .. غصنك يميل
صرت أغنّي : ما رحيلي ؟ ما مقامي ؟ = دام مالي عن لضى الرمضا مقيل !
ما عمى عيني .. ولا كسّر عظامي = غير نفسٍ ما تعرف المستحيل
شوفني .. مثل السما صرت مترامي = وين ما صديت تلقى بي مخيل
مابقى لك غير حلمٍ في منامي = والعوض منّك ولو شيِ قليل
لا تطيّر من على غصني حمامي = دام ما للوصل فالدنيا سبيل
هاجسي.. يا هاجسي .. طوّل هيامي = والشمال يفوح منّه ريح هيل
من يوصّل غربي الباطن سلامي ؟ = يوم طال الوجد وعيوني تخيل
يا هلي.. يا كربة ضلوعي.. حزامي = والله إن كنّي على جمر المليل
يا هل الريشا مقابيس الظلامي = الله الله فالحمول ولا تميل
يا شعطان العزّ .. يا كبار الأسامي = يا هل الفزعات .. مزبان الدخيل
يا (البويت ) المرتكز بالفخر زامي = من زبن رفََتْك ما عوّد هزيل
من يبشرني عن الحر القطامي ?= من يخبرني عن الشهم النبيل ?
الطروق تكود .. والميدان حامي = وأتصبّر مير ما صبري جميل
أيه .. متعصّب لـ / عايض ومتحامي = ولا يضر اللوم وقفات النخيل
ما يخاف من الصحيح .. إلا الحرامي = ولا يدوّر عذر .. ياكود البخيل
وإلا أنا وإن طال في الغربه مقامي = ما ذخرت لفزعة الغالين حيل
من يوصّل غربي الباطن كلامي = من يعبّر صوتي الدرب الطويل
ياهلي.. يا كربة ضلوعي .. حزامي = الله الله بالحمول ولا تميل