صوتيه(( عشرة الطير والداب ))

[عادل الظفيري]

الإهداء لصفحة طواها الزمان

http://rahabrahab.googlepages.com/saheby.rm


أستودعك ياصاحبـي خاطــري طــاب= ملّك رفيقــــك من زيـادة عتابــــه
أنا كذا مخلـوق واللـه له أسبـــاب =منته علــى اللـه والـــيٍ في حسابه
إن كنـت ناوي بالمفــارق لـك البــــاب = خـل الصـــغيـره لاتـــدوّر طلابـــــه
عــاشـرت بالدنيـا قريبين وأغــــــراب = وكثير قبلك من نوى في غيابـــــه
ناظـر بقلبي من المعانـــــاة منعــــــاب = ولازلــت أضمّـــد بالحنــايـا صوابـه
مبطي قـــريـت الكون في صفحة كتاب = فيـه القلـم ينهـار عنـد الكتابــــه
عمرك سمــعت برفقـة الطيـــر والــداب = يامـن تظن الـــروس مثـل الذنابـه
مانـي بطايح كـــــــل مازدت بغيــاب = الكون صــدره يتسع لك رحابـــــــــه
ولاتحــســب إنــــي لاتيتــّمت منصـاب = عمـر الرجل ماكان (( عــــزّه قرابـه ))
مبطـي أقول الكـون تندر به أصحاب = ومحنا بعصرٍ للنبي والصحابه
تعبت أراعي عشــــــــرةٍ كلها نــــاب = تنهش قفا الميت وتطلب ثوابه
ياللي تصف الهرج بأسلوب جـــــــذاب = تبدي الســـــؤال ولا تعرف الإجابه
نفسك تموت إن ماحصل يوم تغتــــــاب = وإن قلت به مليون عيب تهقابــه
يكفي فخـــــر بإنّي من النــاس منهاب = يوم أنـت تجهــل ويش معنى المهابه
وإن كان ظنك بأفقدك فأحسب حسـاب = مثلي ليامن عاف .. أقطع رجابه

حتى قلق آخر
عادل الظفيري

[فهد مفلح]

لاتعليق



ناظر بقلبي مـن المعانـاة منعـاب
ولازلت أضمّـد بالحنايـا صوابـه
مبطي قريت الكون في صفحة كتاب
فيـه القلـم ينهـار عنـد الكتابـه
عمرك سمعت برفقة الطير والـداب
يامن تظن الـروس مثـل الذنابـه


مبدع وجميل

صح لسانك