المساعد الشخصي الرقمي

مشاهدة النسخة كاملة : منفضة .

سلطان الشيخ
02-08-2009, 11:50 PM
نصف سلمى :

يا صباح المتعبين .
يا صباح بلادك اللي ما عطتك ..
وانت تمطر من جبينك ملح .. تزرع قهر و يدين
يا صباح الجوع
وانت تحلم بالوطن .. اجتمعت الثنتين
فقر وحنين .
يا صباح عيون سلمى
وآخر علوم السحاب الما
وآخر عَهَد يوم ادفنت وجهك في ظفايرها .. ومرت بك سنين
يا صباحٍ ما عرف ياكل تعب ليلتك ..
واغراك .
غار النجم وتقشّرت شمس
لا تحاول تصرخ بهمس
وانت سيّاب الحزين ..!
وانت سلطان الحزين ..!



.
سلطان الشيخ
02-08-2009, 11:51 PM
- كنت اشرب الليل بعيونك
واغني لك :
انا بالحييييل مجنونك ، عسى دونك حياتي كان انا باعيش من دونك !
تعال
تعال وشيلني منّي
قبل لا اتوه بوجيه الاوادم ارتقب طلعتك ..
والاقي ضحكة الموعد سراب
واالسما فيها غراب
وأصرخ مابي اخونك
تعال الحين ..
باكر يمكن آخونك !
سلطان الشيخ
02-08-2009, 11:52 PM
- هذا السواد الطويل .. وصدري الممتلي
يا غربة الحبر فالدفتر ومضمونها :

خلّص العمر يا خلّي وما قلت لي
لا ضاعت احلام قلبك عشت من دونها ؟


.
سلطان الشيخ
03-07-2009, 01:44 PM
- الليل كومة ( فراغ ) بنظرة الحين
يا وحشة اللي سرى به والقمر غاب

تدرين ؟ ، والا أقلّك ليه تدرين
دام السهر ما غرس له داخلك ناب !

.
سلطان الشيخ
03-07-2009, 01:45 PM
الإهداء : للغلبانين !


ما للأغاني صوت
لا تجهد الناي .. تجترّ أنفاسك
من أعماقك .. من بعيد
من آخر اطياف السكوت
يا صاحبي ما للأغاني صوت
قم وسّد احلامك قبور الموت
جاتك احلامك عرايا وتْغَدِي
ما لحَقَت حتى تْعَدِي
في صدرها تابوت
ما للأغاني صوت

ياما شبعت من الظما
لا يجرح النور جلباب البياض .. ولا هماك الما
تستوحش الظلما
ما فاض منك الا تعبكْ
إبكْ
ما ظلّلك رمش عين ولا استقبلتك بيوت
ما للأغاني صوت

قم ودّع القرية
قم ودّع اصحابك .. شعيب السيل
ومفارق الوادي .. ودرب الليل
دفْترْك / شعرك / ريحة أمك ..
ونجم سهيل
طين المزرعة والبير وأشجار النخيل
وانت مقفي ناظر أطلال البيوت
ومدخل الحارة
وردّد:
ما للأغاني صوت .
سلطان الشيخ
04-13-2009, 11:10 PM
- ما عرفتك
لين شفت إني أمانك يوم خفتك
ما وصلتك
لين كل ما غمّضت شفتك
ما سكنتك
لاني ادري يا بلادي كنت فيك
كنت منك
غبت عنك وجيت اغني :
" مغترب راجع بلاده "
جيت لك لأني اعرْفك
ساكنٍ بك ما سكنتك !

.
سلطان الشيخ
08-13-2009, 12:46 AM
يوم تمشين ، كنتي
يفرّ جوع الأرض اللي غشانا من سنين
لا ذوى ذيل فستانك
يوم كنتي ،
قبل تضوين .. واظلمتي !
يعدّون الخطاوي من وراك ، ويضحكون ..
وانا بآخر سنين التعب واقف ،
لله إحسانك ، : مريتي مَ سلّمتي .

.
سلطان الشيخ
08-13-2009, 12:47 AM
ياغريبه فقد هذا الطريقْ
.. عقله ، ونسْيتْه ذاكرْتَه
يا مهملْته
على نفس الطريق يهب شيطانك من أول نور ، لآخر ليل ما شلته !
اخذ هذا الطريق اللي نسى احلام الغلابا ، سنينْ
اخذ ينشد خطاك اللي هْجرَت وجهه سنين
وغفى المسكين
غفى واتلحّف اسئلْته !

.
سلطان الشيخ
08-13-2009, 12:47 AM
"خيّو يا مشيتها"
ويا خطوتها ويا نظرتها ويا بسمتها ، والخصلات اللي لمّتها وما لمّتها
والحنا اللي حطتها ، ويا ريحتها
والحكي الـ نام بشفّتها
والأشياء اللي نسيتها ، ويا آخر وردة شمّتها
والنار اللي في جنتها !
وبدايتها ونهايتها .. من أولها لحد آخرتها .

.
سلطان الشيخ
08-13-2009, 12:48 AM
" , (http://www.6arab.net/ViewSong/193841.html) "

- للطريق وللريفية !


.