عزف على حرف

[فهد الزغيبي]

مجرد عزف على الحرف رقم (29)





قالت أحبك وقّف الكون ساعة
ومحد(ن) شعر في وقفة الكون غيري
حتى الفضا رغم المدى وإتساعه
عيّت تجيب اقصاه جنحان طيري

[فهد الزغيبي]

ثلثين نبضي لك ... وثلثه عشاني
.........واللي عشاني راح لأجلك هديــّه

[فهد الزغيبي]

طفش .. ملل .. روتين .. ضيق وكآبه
هذي حياتي..ياحياتي بدونك

[فهد الزغيبي]

أنتشلني


*****

الله علينا حبيبي كيف رحلتنــــا

........ سارت بنا والأمل بالحب حادينــــــــا

اذا زعلنا حروف الحـب راضتنا

....... واذا رضينا على البســــــمة ترسينـــا

*****

انتشلني

ولا تدري

أنت شلني

[فهد الزغيبي]

يعوفني ويقول إنه يبيني
يصدّني ويسأل علامك تجافي
وانا أداري بصمت بيني وبيني
واحاول اجذبها لدرب التكافي
واليوم لا والله ماعاد فيني
ابتركه واروح وأقول كافي
خله على دينه واببقى بديني
والشمع مهما طال بـ يبات طافي

[فهد الزغيبي]

رضى قلبك على قلبي
ماعاد احتاج انا غيــره
ياحبي لا ازعلك حـــبي
ترى نصف السبب غِيره

[فهد الزغيبي]

روحي اكتبي اللي يجول بضميرك
وانا قبل ينشف مدادك ابقراهـ

[فهد الزغيبي]

يمكن أضيق شوي وأزعل وأجافيك
وأقفّل الجوال وأصد أنا عنك
لكن قسم واللي جعل غايتي فيك
إني أجي بشويش لين اقترب منك
وأمد كفي لين ترضى وأصافيك
واشوف بسماتك على الوجه تحضنك
وأجيك بحقوقك علشاني اوفيك
واعود لـ أوطانك وأنا اعود موطنك
واقول احبك علّها اليوم تكفيك
وأقول للعاذل عسى الله يلعنك