[ إِنسَانْ جِداً ]

[بدرالموسى]

http://www.al3zeza.com/gallery/upload/1213875576.%5B0%5D..jpg


يمه وينك
يمه طفلك لا بكى من يفهمه ؟
من هو يمسح دمعته ويلملمه ؟
من هو يفهم حاجتي لطعم الحنين ؟
ما تجين ؟
شوفي بعينك عيوني متمتمه
دمع عيني من هو غيرك يفهمه ؟
يعني طفلك ما بدينه أي خيار
الزمن بدل حنانك بالجدار
يمه وينك
ما تجين ؟

[بدرالموسى]

http://www.bbc.co.uk/arabic/specials/images/226_invideo/2161351_israel_poverty_pic_special.jpg


وش يعني تبيع النفس
واطفالك ؟
وش يعني يكون الذل
هو حالك ؟
وش يعني بس هالكرسي
يبقالك ؟
وش يعني
يكون الحلم بس تشبع
وتنشد خبزة الرحمه
بعد ما صابتك تخمه
وزاد الفقر من وزنك
وصرت أخف من ريشه
وش يعني
تكون اثوابكم خيشه ؟
وش يعني
يكون لحافكم حزنك ؟
يخرب بيت هالعيشه

[بدرالموسى]

http://static.guim.co.uk/sys-images/Guardian/Pix/pictures/2009/1/6/1231262675211/Gallery-gaza-The-hand-of--001.jpg


صرخت بيوم يا أمه
هناك أطفال ملتمه
هنا حلم الطفولة ضاع
يجيه الموت ويلمه
في وسط الدار وحطامه
يضيع الجيل وأحلامه
ولا يلقى سوى اوجاعه
تموت بـ عينه أيامه
دموع مبلله حرفي
بكت سبورته صفي
اذا عِجزت مناديلك
تعال وخذ لهم كفي
تعال وخذ لهم كفي
تعال وخذ لهم كفي

[بدرالموسى]

http://www.ibtesama.com/vb/imgcache2/27457.gif


قول
ايش اخلي
وايش أقول

الفرح فصل الخريف
والربيع يمرني طيف
والنهار اللي اشوفه
من ليالي فصل قالوا
عنه البرد الشديد
علموني شـ الجديد
دامها الدنيا عطتني
بالحزن أربع فصول
ملني حزني لأنه
هالحزن طبعه ملول

إيش أخلي
وإيش أقول

[بدرالموسى]

http://www.shamsqatar.com/up3/get-5-2008-ff4oopvm.bmp


نجوع وناكل الغربه
ونعطش نرتوي كذبه
وننسى في جسدنا بطون
ولا يدرون
.
نضيع بعالم الحاجه
سجين وناطر فراجه
ترى مثلي يجي مليون
ولا يدرون
.
عرايا ونلبس الدمعه
شتانا عظام مجتمعه
نسوا من بردهم يدفون
ولا يدرون
.
نسينا هالطفوله شلون
ترى والله ما يدرون
.
ترى والله ما يدرون
ترى والله ما يدرون

[بدرالموسى]

http://nor200.jeeran.com/files/58484.jpg


وش الدمعه على ابوابك
على خذلان اصحابك
على غيابك
على اوطان منسيه
على احلام ورديه
على احزان مرثيه
وش القصه
وش الغصه
تعال احكيلي واحكيلك
وتمسح دمعة جراحك
وتشكيلي
وأنا أسكت
وأشكيلك
يطوف الوقت ما ندري
اثاري هناك مو دمعه
هموم .. احزان والغربه
جفا أوطان مغتصبه
بقى واحد على حسابي
وعلى الدمعه
عشان تصير هالستة [ 6 ]
على خد الجفا [ سبعة ]

[بدرالموسى]

http://masstz.files.wordpress.com/2008/10/faqr.jpg



حط نفسك في مكاني
عيش ذلي والمهانة
البراءة والطفولة
يا صديقي ما تفيد
وان شبعت يكون عيد
قبل لا تصور أمانه
ودي أسأل يا زماني
عن فقير يموت مثلي
ما عرف شكل المدارس
والطفولة والملابس
إلا حالة
إنه في عالمك عالة
ما يفرق بين حاله
والزباله

[بدرالموسى]

http://www.al-akhbar.com/files/images/p18_20080121_pic1.full.jpg


طفل مسجون في [ عبرة ] شوارع .. وأرصفه .. وجموع
من أنواع [ الزحام ] اللي نبت في [ محجريـه ] وسـال

لبس [ معطف ] من الشكوى تبعثر .. في بكا / مخدوع /
حنينه للبراءه .. لملمـه فـي .. [ شهقتيـن ] وقـال :

أمانينا حضن امي ../ فتـات / مـن الدفـا.. الموجـوع
حضن مقهور .. بـ[ أحزانه ] ولكنـه ... بنـى أجيـال

مدارسنا .. حوارينـا .. [ تمـوت ] وراسهـا مرفـوع
على أكليـل مـن باقـي الكرامـه .. وينتصـب تمثـال

[بدرالموسى]

http://www.awda-dawa.com/sounds/PicYear2005e17.jpg


أبويَ مات
وش بقى من عقب عينه
طفل يبكي من حنينه
وصرخة أحلام اليتامى
غصة تسكن في كلامه
ما سمعها الا باقي
من بقايا هالجدار
اللي تحضني يدينه
وتبكي عينه
واختلط دم الابوه
في جبينه
اللي يشهد عن تفاصيل الخيانه
في مكانه
وسط كومة من دمار
ايه مات
وش تساوي من عقب عينه
الحياة
وش تساوي من عقب عينه
الحياة
وش تساوي من عقب عينه
الحياة

[بدرالموسى]

http://ramblert.blogsome.com/wp-admin/images/old-man-2.jpg


ما تنلام
الحال متبدل عليك
لا تقدر تجيه
ولا هو متنازل
انه يجيك
ما تنلام يوم تنام
وتعيش أحلام
ما تنلام
يوم تنام
يا عم
نم
يا عم
نام

[بدرالموسى]

http://arabia.eidmubarak.com/imageboxes/box31/i314005634282.jpg


لو سألتك من هو أثمن بيننا ؟
ولا تدري
لا تجاوبني عليه
خلني أسأل
يا ترى وش هو الشبه
بيني وبين الشعار اللي عليه ؟
الجواب الحين تقدر تبتديه
كوب فاضي
وطفل فاضي ما حمل إلا التشرد
والتجرد
يمتليه
خلنا نرجع لنفس اللي بدينا
طفل حافي
كوب حافي
إلا من هذا الشعار
[ ستار بكس ] يحمل شعاره
وانت ناظر في عيوني
تلقى أنواع المراره
تلقى أنواع المراره
تلقى أنواع المراره

[بدرالموسى]

http://www.ibtesama.com/vb/imgcache/8523.jpg


وتلطمني كفوف الجوع
أجي محتاج للخبزة
وتسيل دموع
على خد البُكا
وتسيل
تسيل
تسيل
وتهزه
وانا قدامكم طفلٍ
تجرد من حقوق الخبز
والعزه
وأشوف الجمر يشعلني
ويلبسني ردا أوضاعي
وأعيش بحضن حرماني
يدفيني أسى أوجاعي
أعيش الطل
أعيش الذل
وانادي هالطفوله وين
يردد هالصدى تبقى
هناك
هناك
يقول هناك وحدك ظَل
حقارة يا زمان الخذ / خل
وقالوا عشت
وانا موطني
هـ الطشت

[بدرالموسى]

http://sts22.jeeran.com/الموت%20جوعا.jpg



قومي يمه
ولدك غارق بهمه
طلبتك لا تخليني
ترى ملتني هدومي
يا يمه طالبك قومي

[بدرالموسى]

http://al3thb.webng.com/Blog/طفولة-فقر.jpg


من يقول انك فقيره ؟
انتي بعيوني
اميره
تكسري قيد الشوارع
في عيونك
ريح تعصف
تقلب الماضي مضارع
في شفاهك احلى بسمه
تختصر حلم الطفوله
بس في كلمه
تعتلي غيم البراءة
انتي بعيوني أميره
في وسط دنيا [ حقيره ]

[بدرالموسى]

http://www.sxc.hu/pic/m/d/di/digital_a/131304_victory_sign.jpg



لذة الإنتصار :
أستطيع أن أخلق من قمة الهدوء أعاصير عاتيه
أكسيها كسوة تجعلها تبدو نِدّ لي
وأمنحها شرف عداوتي
وأجعلها تتلذذ بطعم الإنتصار لكن بإرادتي
وأرمقها بعين واحدة
وأصبغ أجواء المعركة بإبتسامة صفراء
وأُخفف من وتيرة النزال متى ما شئت
وأعطيها نقاط جولة وربما جولاتان فقط لكي لا يتسلل اليأس إليها
وبعد هذا كله أعيدها إلى هدوئها / الأعاصير /
وأستمتع أنا بلذة الإنتصار

[بدرالموسى]

http://www.ibtesama.com/vb/imgcache2/73249.gif
اللي مثلي يسألونه
ليه غايب
عن حضورك
عن شعورك
عن سوالفك القديمة
عن غرورك
عن بدر كنا نعرفه
من عيونه
من تفاصيل السوالف
في شجونه
عن بقايا إبتسامه
مرتسم فيها كلامه
عن شغب كله تذمر
عن جنونه
http://www.ibtesama.com/vb/imgcache2/73248.gif
واللي مثلي جاك يحكي
جاك يبكي
من مواجع
كنت ضايع
وكنت أدورني معايا
في شقايا
في زحام الريح
وأنواع الهبوب
في ظلام الليل
لو صافح غروب
في هروب
من الوجيه اللي تضحك للمرايا

http://iconsman.files.wordpress.com/2008/10/depression.jpg
وكنت ادورني بحروفي
وأصرخ فـ مسمع ظروفي
وأسأل الدنيا علامك
ليه ضايع في ظلامك
ليه ما ترحم ظروفك
ليه تضربني كفوفك
ليه يا دنيا قسيتي
وأسأل الأحوال عني
من هو شافه
او يشابهني بخلافه
وأرجع بطيب النوايا
كنت أدورني معايا
http://www.treehugger.com/Dark-Street-Lights-Photo.jpg

ومن بعد ذيك المواجع
واني راجع
قلتها كلي قناعه
حتى لو كل الدرايش
سكروها
كل باب
وكل شارع
ضاق من عقب إتساعه
http://www.ibtesama.com/vb/imgcache2/133613.gif
أقدر إني
في ثواني
أكتسب حد المناعه
وأطرد الهم ومتاعه
وأنفض غبارك يا حزني
اللي يسكن في عيوني
وإني أقدر
أبني بعيوني مدينة
ما تفارقها عيونك
تحلف انها ما تخونك
وأفتح الأبواب لأجلك
لأجل أعلمك
إنك البسمة بعيوني
وإني أثبت لك بأنك
أجمل أنواع السعاده
لو يمارس هالحزن
فيني عناده

http://www.alamuae.com/gallery/data/media/8/alamuae_img_2004-226.jpg
وأن هالبسمة أجمعتني
من بعد ذاك الشتات
وكل وقت بدون قلبك
قهوه ساده
والزمن دون روحك
مر وفات
وتبقى روحك مني أقرب
وأنك أعذب
من سوالفك القريبه
من عطر حكيك وطيبه
من عيوني لا حكت لك
وضحكت لك
لأجل أصافحها عيونك
وأهمس لحضرة جنونك
علميني قولي : هات
ولا قرب خذني كلي
وهات كلك
وانه بيوم يحصلي
ويحصلك
وان روحك بسمتي
وفرحتي في منتهاها
تغرق بطيبة بكاها
قربت مني وجات
تسوى بعيوني الحياة
وإني راجع
من بعد ذاك الشتات
http://www.s3ude.com/upload//uploads/images/s3ude-cd48cafa0c.jpg
كنت ضايع
وإنتِ بعيوني الحياة
وإنتي بعيوني الحياة

[بدرالموسى]

http://www.sarkosa.com/vb/imgcache/53424.imgcache.jpg


يا بشر صرنا نخاف
وصرنا نزرعنا بَلاده
ونحصد الذل العظيم
في بلاده ما عرفها
هي بلاده ؟
يا بشر صرنا نخاف
من نظرة عيون اليتيم
ومن الهشيم
اللي يلوح بالجفاف
صرنا نخاف
وكنا نخاف
ولسه نخاف
يا مدوّن
شوف بعيونك وسجل
انت تسمع مو مثلنا
واللي يسمع ما يقدر
ما يِحزّر
مو مثل بعيونه شاف
نزرع الدمعه رغيف
والمناجل بالرصيف
تحصد ارواح الضعاف
دَوّن الدمعه إعتراف
دَوّن الدمعه إعتراف

[بدرالموسى]

http://www.sarkosa.com/vb/imgcache/53424.imgcache.jpg

منهو يمسح دمعة الطفل اليتيم ؟
منهو يفهم دمعة الطفل اليتيم ؟
منهو فينا يعرف البكي القهر ؟
منهو فينا عايش الدمعه دهر ؟
يعني لازم يفهمه واحد عقيم ؟


لو سألته عن همومه
كيف يقضي طفل جايع
كيف يومه ؟
يعني ضايع
ناظر بمنظر هدومه
تعرف همومه
دامنا فعلا نخاف
ما نهاب الإعتراف
لنه صاير حكينا
والكذب فـ حكينا
ما نخاف الإعتراف
ليه نخاف
الكذب حبله قصير
والدمع أمره يسير
والقوي ياكل ضعيف
والضعيف يضيع في هم الشريف
والشريف
والشريف !!
شنهو يعني يا بشر كلمة شريف ؟

[بدرالموسى]

http://syria-news.com/pic/picture&comment/poor-child1.JPG



اذكر اني
كان حلمي
اكبر وأصبح طبيب
واسمي يتعلق في لوحة
فوق جدران النجاح
اندثر حلمي وراح
حلم ضايع
وسط شارع
صارت الدمعه حياتي
وانتهت كل امنياتي
ذرت املاح المهانه
في جروحي
صار همي بالرغيف
صارت اللقمة طموحي
ونومتي فوق الرصيف

[بدرالموسى]

http://moaned.jeeran.com/%D8%AD%D8%B2%D9%8A%D9%86.jpg


صارت انفاسي جروح
ومخدتي هم شقا
علميني كيف أعيش
وكيف أبحيا مثلهم
لو يوم أحيا مثلهم
بس يوم أفرح مثلهم
أفرح وأطيش
وانسى الجروح
علميني وين أروح

[بدرالموسى]

http://www.dhefaf.com/vb/picture.php?albumid=35&pictureid=1280
حين تشعر بالحزن إخلع رأسك وقبل رأسه

[بدرالموسى]

أنجح الصداقات
تلك التي لا تدوم طويلاً

[بدرالموسى]

دائما أقول بأن الحب في هذا العالم النتي ما هو إلا [ فرضيه ] أوجدتها فوضى عقول تشبه للعقول لكنها بعيده جداً عن كل ما يتعلق بالعقل
وإن كان القلب هو اول من يُذكر حين نتحدث عن الحب
وهذا ما يجعلني على ثقة بمقولة قلتها ذات [ عقل ]
الحب السليم في العقل السليم

لا يوجد عقل سليم
إذا لا يوجد حب سليم

تحية كبيره للعم [ سليم ] بغيابو